ಕಾರ್ತಿಕೇಯ ಅನವರತ ರಕ್ಷಿಸು
ಕವನ
ಶಿವ ಪಾರ್ವತಿಯರ ಮುದ್ದಿನ ಕಂದ
ಕೈಲಾಸಕ್ಷೇತ್ರದ ಮಹಿಮಾನಂದ
ಕೃತ್ತಿಕಾ ದೇವತೆಗಳ ಹಾಲುಂಡು ಬೆಳೆದೆ
ಆರು ಮೊಗದವನಾಗಿ ಜಗದಿ ಬೆಳೆದೆ//
ಲೋಕ ಕಂಟಕ ದುರುಳ ತಾರಕನ
ಉಪಟಳವ ಮೆಟ್ಟಿ ಮರ್ಧಿಸಿದೆ
ಜಗದ್ರಕ್ಷಕ ಕೋಟಿಜನ್ಮ ಪುಣ್ಯಧರ
ಮಹಾಸೇನ ಜ್ಞಾನಶಕ್ತಿ ದಾತ//
ವಲ್ಲೀಶನಾಥ ಶೇಷಗಳೊಡೆಯ ಸ್ವಾಮಿ
ಜಗದಾದಿವಂದಿತ ಮಹಾಮಹಿಮ ನೀನು
ಭಕ್ತಜನಪ್ರಿಯ ಷಡಾನನ ದೇವ
ಸುರಗಣ ಪೂಜಿತ ಸ್ಕಂದ ಶಕ್ತಿ//
ಕಾರ್ತಿಕೇಯ ಶೃಂಗಾರ ಮೂರುತಿ ನೀನು
ನವಿಲೇರಿ ಭೂಪ್ರದಕ್ಷಿಣೆ ಗೈದವನು ನೀನು
ಸರ್ವಾಭೀಷ್ಟ ಫಲಪ್ರದಾತನು ನೀನು
ಅನವರತ ರಕ್ಷಿಸಿ ಕಾಪಾಡು ನೀನು//
ಷಷ್ಠಿ ದಿನದಲಿ ವಿಶೇಷ ಪೂಜೆಯು ನಿನಗೆ
ಸರ್ಪದೋಷವ ನಿವಾರಿಪ ಮಹಿಮ ನೀನು
ನಿನ್ನಂಘ್ರಿಗಳ ಪಿಡಿದು ಬೇಡುವೆ ನಾನು
ದಯಾಳು ಹರಸು ಶ್ರೀ ಸುಬ್ರಹ್ಮಣ್ಯಸ್ವಾಮಿ ನೀನು//
-ರತ್ನಾ ಭಟ್ ತಲಂಜೇರಿ
ಚಿತ್ರ್
![](https://saaranga-aws.s3.ap-south-1.amazonaws.com/s3fs-public/keya.jpg)