ಕೆಲವೊಂದು ಹನಿಗಳು…
ಕವನ
*ಧನ್ಯತೆ*
ಎಲೆ ಮೇಲಿನ ಮಂಜು
ಕರಗಿ ಹರಿಯಿತು
ನೀರು!
ಹೀರಿಕೊಂಡಿತು
ಬೇರು!
*
*ಅವಳು ಮತ್ತು ಬಡತನ*
ಬಡಿಸಿಟ್ಟಳು
ನಾಲ್ಕಾರು
ಬಟ್ಟಲ ತಂಬಾ!
ಮೇಲೆ ಹರಿದ ಛಾವಣಿ
ಇವಳ ಬಟ್ಟಲ ತುಂಬ???
ಚಂದ್ರಬಿಂಬ!
*
*ಅಭಿ-ರುಚಿ*
ಅದೆಷ್ಟು ಬಾರಿ
ಸುಳಿದಾಡಿತ್ತೋ ಜೇನ್ನೊಣ
ಕಬ್ಬಿನ ಗಿಡದ ಸುತ್ತ. ..!
ಹಿಂಡಿ ಹಿಪ್ಪೆಯಾದ
ಮೇಲಷ್ಟೇ
ಅದಕ್ಕೆ ಪರಿಚಿತ !
*
*ಪರಸ್ಪರ*
ಮುಳ್ಳಿಗೂ ಇದೆ
ಹೂವಿನ ಮೇಲೆ
ಪ್ರೀತಿ!
ಅದಕ್ಕೇ ಹೂವಿಗಿಲ್ಲ
ಚುಚ್ಚಿಕೊಳ್ಳೋ
ಭೀತಿ!
*
*ಒಲವಿಗಾಗಿ*
ಭಾಸ್ಕರ ತನ್ನ
ಅರಳಿಸಲೆಂದೇ
ನೈದಿಲೆ
ದಿನಾ ಅರಳಿ
ಮತ್ತೆ ಮೊಗ್ಗಾಗುವುದೇ?
*
*ಕಾಂಕ್ರೀಟು ಕಾಡಿನಲಿ*
ಹಿಂದೆಲ್ಲಾ ಹಂಚಿನ
ಮನೆ
ಮಾಡಿನಲ್ವಿ
ವಾಸಿಸುತಿತ್ತು ಅಳಿಲು!
ಈಗ ಎಲ್ಲಿ ಉಳಿದುಕೊಳ್ಳಲಿ
ಎಂಬುದೇ
ಅದರ ಅಳಲು!
*
*ಮಾತು*
ಬಿಲ್ಲು ಎದೆಗೇರಿಸಿ
ಬಿಟ್ಟು ಬಾಣ
ನಂಜೇರಬಾರದು ಹೂತು!
ಎದೆಯಿಂದ ಎದೆಗೆ
ಕಟ್ಟಬೇಕು ಸ್ನೇಹ ಸೇತು!
*
*ಸಹವಾಸ*
ಮುಳ್ಳಿನೆಡೆಯಲ್ಲಿ
ಹುಟ್ಟಿದರೂ ಕ್ಯಾಕ್ಟಸ್ ಹೂವು!
ನಯವಾಗೇ ಇದೆ
ಇಲ್ಲದೆ ಯಾವ ನೋವು!
*
-*ಪದ್ಮ*
ಚಿತ್ರ: ಇಂಟರ್ನೆಟ್ ತಾಣ
ಚಿತ್ರ್
