ಕ್ರಾಂತಿಯೋಗಿಗೆ ನಮನ

ಕ್ರಾಂತಿಯೋಗಿಗೆ
-------------

ನೀ ಕ್ರಾಂತಿಯೋಗಿಯಣ್ಣ
ನಿನಗಿದೋ ಕೋಟಿ ನಮನ
ಅತ್ಯುನ್ನತ ವಿಚಾರಧಾರೆಗಿದೋ ನಮನ
ನುಡಿದಂತೆ ನೆಡೆದ ಧೀಮಂತಿಕೆಗಿದೋ ನಮನ

ಧಿಕ್ಕರಿಸಿರಿ ಜಾತೀಯತೆ
ಹರಡಿರಿ ಸಮಾನತೆಯೆಂದೆ
ದಯವೇ ಧರ್ಮ
ಏಕತೆಯೆ ಮಂತ್ರ
ಕಾಯಕವೆ ಕೈಲಾಸ
ಭಕ್ತಿಯೇ ನೈವೇದ್ಯವೆಂದೆ

ಸುವಿಚಾರಗಳ ವಿನಿಮಯಕೆ
ಅನುಭವ ಮಂಟಪವೆಂದೆ
ಹಂಚಿ ಬಾಳುವುದೇ ಪರಮಧರ್ಮ,
ಅದುವೇ ದಾಸೋಹ ಮರ್ಮವೆಂದೆ

ಹಚ್ಚಿದೆ ಕಲ್ಯಾಣದಲ್ಲೆಲ್ಲ ಸದ್ವಿಚಾರದ ಜ್ಯೋತಿ
ಬಿಡಿಸಿದೆ ಹಳೆ ಮೌಢ್ಯಗಳ ಭ್ರಾಂತಿ
ಮಾಡಿದೆ ಸರ್ವೋದಯದ ಕ್ರಾಂತಿ
ನೀಡಿದೆ ಮನುಜಕುಲಕೆ ಶಾಂತಿ

ಯುಗಯುಗಗಳುರುಳಿದರೂ
ಹರಿದುಬಂದಿದೆ ವಚನಗಳ ಸಾರ
ಆದರೇನು ಕಿತ್ತೊಗೆಯಲಾಗಿಲ್ಲ
ಕಂದಾಚಾರದ ಬೇರ

ಬಾರಾ ಮತ್ತೊಮ್ಮೆ ಜನಿಸಿ ಬಾರಾ
ಸಂಕೊಲೆಗಳ ಭ್ರಾಂತಿಯ ಬಿಡಿಸು ಬಾರಾ
ಹೃದಯ ವೈಶಾಲ್ಯತೆಯ ನೀ ತಾರಾ

***************************