ಗಜಲ್

                         ಹಟತೊಟ್ಟ ಯೋಗಿಯಂತೆ ಕಂಗೊಳಿಸುತ್ತವೆ ಹಸಿರೆಲೆಗಳು

                   ಸುದೀರ್ಘ ಆಲೋಚನೆಯಲ್ಲಿ ವಿಸ್ತರಿಸಿಕೊೞುತ್ತವೆ ದಿಕ್ಕಿಗೊಂದು ಹಸಿರೆಲೆಗಳು.

                         ನಿಶ್ಕಲ್ಮಶ ಮುಗ್ದನಗುವಿನ ಕಣ್ಣೋಟಗಳ ಅರಿವಿದೆ.

                        ಮೊಗ್ಗುಗಳು ಹೂವಾಗಿ ಅರಳಿದಾಗ ಬೀಗುತ್ತವೆ ಹಸಿರೆಲೆಗಳು.

                        ಮುದ ನೀಡುವ ಚಿಟ್ಟೆಗಳು ಕೊನೆಗೂ ಹಾರಿಹೋಗುತ್ತವೆ

                   ದಾರ್ಶನಿಕತೆಯ ಈ ಅರಿವಲ್ಲಿ ಹಳದಿಯಾಗುತ್ತವೆ ಹಸಿರೆಲೆಗಳು.

                     ಬಿಕರಿಯಾಗದಿರಬಹುದು ರೆಪ್ಪೆಯೊಳಗಿನ ಕನಸುಗಳು

                      ಮಾರುಕಟ್ಟೆಗೆ ಬಂದು ನಿಲ್ಲುವುದಿನ್ನೂ ತಪ್ಪಿಸಿಲ್ಲ ಹಸಿರೆಲೆಗಳು.

                        ಹುಡುಕುವ  ಕಣ್ಣಿಗೆ ಅಪ್ರಬುಧ್ಧ ನಗು ಕಂಡಿದೆ ನಿಜ

                        ನಿನ್ನ ಚಿಂತನೆಗೆ ನಾನು ನಿಲುಕದಾದಾಗ ನಗುತ್ತವೆ ಹಸಿರೆಲೆಗಳು.