ಗಣಪತಿಗೊ೦ದು ಪ್ರಾರ್ಥನಾ ಕವನ

ಓ ಗಣಪತಿಯೆ ಪಾರ್ವತಿಸುತನೆ

ಶಿವತನಯ ನನ್ನುಳಿಸೋ

ಮಾಡೋ ಕಾರ್ಯದಲಿ ವಿಘ್ನವಿರದಂತೆ

ಎಲ್ಲ ಯಶವೆಂದು ಹರಸೋ|1|

ಕೋಟಿಸೂರ್ಯರಂತೆ ನೀನು

ಕಷ್ಟದಿಬ್ಬನಿಯ ಕಳೆಯೋ ಭಾನು

ಮನದಿ ಧ್ಯಾನಿಪೆ ಹೇ ಹೇರ೦ಬ

ಕಾಯುಮಾಸುತನೇ|2|

ಅಣುರೇಣುವಿನಲು ಇಹೆ ಗಣನಾಥ

ಗರಿಕೆಯಿ೦ದಲೇ ಖುಷಿಪಡುವಾತ

ನೋಡಿ ನಕ್ಕವಗೆ ಶಾಪವಿತ್ತಾತ

ಪೊರೆಯೊ ಏಕದಂತ|3|

ಅಲ್ಪವೆನಿಸುವ ಇಲಿಯೆ ವಾಹನ

ಬುಸುಗುಟ್ಟೋ ವಿಷದ್ಹಾವು ಹೊಟ್ಟೆಗೆ

ಶ್ರೀಕೃಷ್ಣನಿಗೂ ಕಷ್ಟವೊಡ್ಡಿದ

ಮಹಾಕಾಯ ನೀ ಕಾಯೋ|4|