ಗತಿಸಿರುವ ಭಾವದೊಳು

ಗತಿಸಿರುವ ಭಾವದೊಳು

ಮಥಿಸಿ ನಡೆಯಲು ಬಹುದೆ

ಕಾತರದ ಕನಸುಗಳ ಕಾಣ ಬಹುದೆ

ಜೀವನದ ಮೌಲ್ಯಗಳ 

ಒಳಗೆ ತೂರುತ ನಡೆಯೆ

ಕ್ಷಣಿಕ ವ್ಯಾಮೋಹಗಳ ನೆನೆಯಬಹುದೆ

ಚಿತ್ತವಿಲ್ಲದೆ ಗುಡಿಯ

ಸುತ್ತುತಲೆ ಸಾಗಿಹುದು

ಚಿತ್ತ ಭ್ರಾಂತಿಯ ಒಳಗೆ ನಡೆಯ ಬಹುದೆ

ಆತುರದ ಹುಡುಕಾಟ

ಜೀವನದಿ ಎಳೆದಾಟ

ಪ್ರೀತಿ ತಪ್ಪಿದ ಬದುಕು ಬೇಯ ಬಹುದೆ

ಚಿಂತೆ ಇರುತಲಿ ಮನದಿ

ಇರದಂತೆ ತೋರಿಸುತ

ಸಾಗುವ ಬದುಕನು ಇಲ್ಲಿ ಸವಿಯಬಹುದೆ

ಬಾಳು ಕರಗುತಲಿರಲು

ಕರಗದಂತೇ ಇರುವೆ

ತಾಯ ಮಡಿಲಿನ ಭಾಗ್ಯ ಸಿಗಲು ಬಹುದೆ

-ಹಾ ಮ ಸತೀಶ ಬೆಂಗಳೂರು

ಚಿತ್ರ ಕೃಪೆ: ಇಂಟರ್ನೆಟ್ ತಾಣ