ಗುಬ್ಬೀ ಗುಬ್ಬಿ ಶಿಶುಗೀತೆ

ಕವನ

ಗುಬ್ಬೀ ಗುಬ್ಬಿ ನೀನು ಏಕೆ
ಅಲ್ಲಿ ಕೂತು ಚಿವ್ ಚಿವ್ ಎನುವೆ ?
        ಬಾ ನನ್ನ ಹತ್ತಿರ ಏನು ನಿನ್ನ ಉತ್ತರ ||ಪ||

ಹಾರಬೇಕು ನಿನ್ನ ಹಾಗೆ
ನೀನು ಹೇಳಿ ಕೊಡುವೆಯಾ ?
ಕಾಳು ಕೊಡುವೆ ಬಾ ಬಾ ಬೇಗ
           ಬಾ ನನ್ನ ಹತ್ತಿರ ಏನು ನಿನ್ನ ಉತ್ತರ ||1||

ಹುಲ್ಲ ಕಚ್ಚಿ ತಂದು ಗೂಡ
ಕಟ್ಟಿ ಕೊಳ್ಳುತ್ತಿರುವೆಯಾ ?
ಬೆಚ್ಚನೆಯಾ ಹೊದಿಕೆ ಕೊಡುವೆ
         ಬಾ ನನ್ನ ಹತ್ತಿರ ಏನು ನಿನ್ನ ಉತ್ತರ ||2||

ದೂಳಿನಲ್ಲಿ ಬಿದ್ದ ಕಾಳ
ಹೆಕ್ಕಿ ಏಕೆ ತಿನ್ನುವೆ ?
ಅಮ್ಮ ಮಾಡಿದೂಟ ಕೊಡುವೆ
          ಬಾ ನನ್ನ ಹತ್ತಿರ ಏನು ನಿನ್ನ ಉತ್ತರ ||3||

ಕೇಳದಂತೆ ನೀನು ಯಾಕೆ
ಆಚೆ ಈಚೆ ನೋಡುವೆ ?
ಮುದ್ದಿನಿಂದ ಕರೆಯುತ್ತಿರುವೆ
            ಬಾ ನನ್ನ ಹತ್ತಿರ ಏನು ನಿನ್ನ ಉತ್ತರ ||4||

- ಸದಾನಂದ