ಗ್ರಹಚಾರ್ಯ!

’ನಮ್ಮದು ಶಿಸ್ತಿನ ಪಕ್ಷ’: ಹೇಳೋದು ಆಚಾರ
ಬ್ಲ್ಯಾಕ್‌ಮೇಲ್‌ಗೆ ಬಲಿಯಾಗಿ ಇದೋ ಅನಾಚಾರ!
ಇದು ಭಾಜಪ-ರೇಣುಕಾಚಾರ್ಯ ವಿಚಾರ
ಇಂಥ ನಾಯಕರಿರೋದು ನಮ್ಮ ಗ್ರಹಚಾರ!

ಪರಸ್ತ್ರೀಯೊಡನೆ ಅಂದು ಮುದ್ದಾಡಿದವ
ಮತ್ತೆ ಅವಳೊಡನೆಯೇ ಗುದ್ದಾಡಿದವ
ಮಂತ್ರಿಪದವಿಗಾಗಿ ಒದ್ದಾಡಿದವ
ಕುತಂತ್ರದಿಂ ಮಂತ್ರಿಯಾದಂಥವ!

ಇಂಥವಗೆ ಪಕ್ಷ ತಾ ಮಣಿಯಬೇಕಾಯ್ತೆ!
ಮಂತ್ರಿಯೆಂದಿವನ ನಾವ್ ಒಪ್ಪಬೇಕಾಯ್ತೆ!
ಎಂಥ ದಿನ ಬಂತಪ್ಪ, ಹೇ ಯಡ್ಯೂರಪ್ಪ!
ಚಿಂತೆಯಾಗಿದೆ ನಮಗೆ, ಮುಂದೆ ಹೇಗಪ್ಪಾ!