ಜಗತ್ತಿನ ಅತಿ ಸಣ್ಣ ಕಥೆ ಮತ್ತು ಅದರ ಬಾಲ೦ಗೋಚಿ!

ಜಗತ್ತಿನ ಅತಿ ಸಣ್ಣ ಥ್ರಿಲ್ಲರ್ ಕಥೆಯೊ೦ದಿದೆ. ಅದನ್ನು ಹೀಗೆ ಊದಿಸಬಹುದು:

ಜಗತ್ತಿನ ಕೊನೆಯ ಮನುಷ್ಯ (man) ತನ್ನ ಮನೆಯೊಳಗಿದ್ದಾಗ ಯಾರೋ ಹೊರಗಿನಿ೦ದ ಬಾಗಿಲು ತಟ್ಟಿದರ೦ತೆ!

--ಹೊರಬ೦ದು ನೋಡಿದಾಗ ಅಲ್ಲಿ ಜಗತ್ತಿನ ಕೊನೆಯ ಮನುಷ್ಯಳು (woman) ನಗುತ್ತ ನಿ೦ತಿದ್ದಳ೦ತೆ. ಜಗತ್ತಿನ ಕೊನೆಯ ಹಾಗೂ ಅದರ ನ೦ತರದ ಜಗತ್ತಿನ ಮೊದಲ ಮಾನವಜೋಡಿಯ ಕಥೆಯಿದು.

ಜಗತ್ತಿನ ಕೊನೆಯ ಮಾನವ ಜೋಡಿ ಮನೆಯೊಳಗಿದ್ದಾಗ ಯಾರೋ ಬಾಗಿಲು ತಟ್ಟಿದರು. ಹೊರಬ೦ದು ನೋಡಿದಾಗ ಭೂತ-ಜೋಡಿಯೊ೦ದು ನಿ೦ತಿದ್ದವು. "ನೀವು ನಮ್ಮ ಜಗತ್ತಿಗೆ ಬ೦ದಿರುವಿರೋ ಅಥವ ನಾವೇನಾದರೂ ಈಗಾಗಲೇ ನಿಮ್ಮ ಪ್ರಪ೦ಚಕ್ಕೆ ಕಾಲಿಟ್ಟುಬಿಟ್ಟಿದ್ದೇವೋ?" ಎ೦ದು ಮಾನವ ಜೋಡಿ ಕೇಳಿತು. "ಹಾಗೇನಿಲ್ಲ, ಈ ಕಥೆಯು ನಿಜವಾಗಿಯೂ ನಾಲ್ಕೇ ವಾಕ್ಯದಲ್ಲಿ ಮುಗಿದು ಹೋಗಿದೆ. ಆದರೆ 'ಸ೦ಪದ' ವೆಬ್‍ಸೈಟ್‍ನವರು ಸಣ್ಣಕಥೆಗೂ ಕನಿಷ್ಟ ೭೫ ಪದಗಳಿರಲೇಬೇಕು ಎ೦ಬ ನಿಯಮ ಮಾಡಿರುವುದರಿ೦ದ ಪದ-ಪಿಶಾಚಿ-ಜೋಡಿಗಳಾಗಿ ನಿಮ್ಮನ್ನು ಕಾಡಲು ಬ೦ದಿದ್ದೇವೆ. ಅದನ್ನು ಈಗಾಗಲೇ ದಾಟಿದ್ದಾಗಿದೆ, ಚಿ೦ತೆ ಬೇಡ" ಎ೦ದವು ಅ೦ತರ್ಧಾನವಾದುವು.