ದಿನಕರ ದೇಸಾಯಿಯವರ ಐದು ಚುಟುಕುಗಳು

೧

ರೈತನಿಗೆ ಭೂಮಿ ಸಿಕ್ಕಿದರೆ ನಾನು ಗೆದ್ದೆ

ಜೀವಂತವಾಗುವುದು ಪ್ರತಿಯೊಂದು ಗದ್ದೆ

ಆಮೇಲೆ ಯಾವ ಬದನಿಕೆಗಿಲ್ಲ ಜಾಗ

ಗೇಣಿಯೆಂಬುದು ದವಸ ಧಾನ್ಯಗಳ ರೋಗ.

೨

ಗಂಗೆಗೂ ಹಿರಿದಾಗಿ ಹರಿಯುತಿದೆ ಭದ್ರಾ

ಅರಸಿಕೆರೆ ಎಂಬುದೇ ಅರಬೀ ಸಮುದ್ರ

ದಿಲ್ಲಿಗಿಂತಲೂ ಧಾರವಾಡವೆ ಪ್ರಚಂಡ

ಮಾನಸ ಸರೋವರವೆ ಕಲಘಟಕಿ ಹೊಂಡ.

೩

ಈ ಚುನಾವಣೆಯಲ್ಲಿ ಹೋರಾಡಿ ಬಿದ್ದೆ

ಬಿದ್ದರೂ ಜೀವನದ ಗುರಿಯಲ್ಲಿ ಗೆದ್ದೆ

ಸೋಲಿನಲಿ ಜಯ ಕಂಡು ಊರೆಲ್ಲ ಸುತ್ತಿ

ಹೆಜ್ಜೆ ಹೆಜ್ಜೆಗೆ ಹಚ್ಚಿದೆನು ಮೇಣಬತ್ತಿ.

೪

ನಾನಾದೆ ನಾನಾದೆ ನಾನಾದೆ ದೊಡ್ಡ

ಎಂದು ಭಾವಿಸಿದಾಗ ತಲೆಯಾಯ್ತು ಹೆಡ್ಡ

ನಾನಾದೆ ನಾನಾದೆ ಬಲುಸಣ್ಣ ಧಾನ್ಯ

ಎಂದು ಭಾವಿಸಿದಾಗ ಬಾಳಾಯ್ತು ಧನ್ಯ.

೫

ಈ ಜಗದ ಮೇಲೆನಗೆ ವಿಪರೀತ ಒಲವು

ಸ್ವರ್ಗದಲ್ಲೂ ಆಣಸಿಗ್ಉ ಈ ನೆಲವು

ತರತರದ ಗಿಡಬಳ್ಳಿ ಹೂಕಾಯಿ ಹಣ್ಣು

ಸ್ವರ್ಗದೊಳಗುಂಟೇನು ಈ ತರದ ಮಣ್ಣು ? 

(ಸಂಗ್ರಹ)