ನನ್ನವಳು

ಸೂರ್ಯಕಾಂತಿ ಅರಳುವುದು ರವಿಯ ಕಿರಣದಿಂದ
ರೂಪ ಲಾವಣ್ಯದ ಹೂ ಬಿರಿಯುವುದು
ಈಕೆಯ ಕಿರು ನಗೆಯಿಂದ

ಕೋಗಿಲೆಯು ಹಾಡುವುದು ಕಾಲಕ್ಕೆ ಸರಿಯಾಗಿ
ಈಕೆ ಹಾಡಿದರೆ ಹೊಂದುವುದು
ಕಾಲವು ತಾನಾಗಿ

ನಟರಾಜ ನಟಿಸಿದರೆ ಹೇಳುವೆವು ಸರಿಸಾಟಿಯಿಲ್ಲವೆಂದು
ಹೆಜ್ಜೆಯನಿಟ್ಟರೆ ಇವಳು ನಟರಾಜ ನುಡಿವನು
ಸರಿಸಾಟಿಯಾರಿಲ್ಲ ಇವಳಿಗೆಂದು

ಗರಿಕೆದರಿ ನಡಿವುದು ನವಿಲು ತಳುಕುಬಳುಕಿನಲಿ
ಇವಳು ನಡೆದರೆ ತುಳುಕುವುದು ವಯ್ಯಾರದ
ಬಿಂದಿಗೆ ನಡುವಿನಲಿ

- ಬಿ ಟಿ