ನನ್ನ ಅಪ್ಪನೆಂದರೆ…

ನನ್ನ ಅಪ್ಪನೆಂದರೆ ಹೀಗೆ

ಹೇಗೆಂದರೆ

ನೇರ ದಿಟ್ಟ ನಿರಂತರ ದುಡಿಮೆ

ಕಾಯಕದೊಳು ನೆಲೆ

ಕಂಡುಕೊಂಡಾತ

ಇತರರಿಗೂ ಕಾಯಕದ

ಬೆಲೆಯ ಹೇಳಿ ಕೊಟ್ಟಾತ

ಅಪ್ಪ ಹೇಳುತ್ತಿದ್ದುದೇ

ದುಡಿದು ತಿನ್ನು

ಕೆಲಸ ಪೂರ್ಣಗೊಳಿಸುವ ತನಕ

ವಿಶ್ರಮಿಸದಿರು

ಯಾರು ತಪ್ಪೆಸಗಿದ್ದರೂ

ನಿನಗೇನು ಚಿಂತೆ ?

ನೀನೆಸಗದಿರು ಅಷ್ಟೆ !

ಯಾರಿಗೂ ಮಣೆ ಹಾಕದಿರು

ಒಳ್ಳೆಯವರ ಕೈ ಬಿಡದಿರು

ಬಂಧುಗಳ ಪ್ರೀತಿಸು ಎಂದಿಹರು

ನುಡಿದಂತೆ ನಡೆದವರು ನನ್ನಪ್ಪ

ನಿಮಗಿದೋ ಶರಣು ಶರಣು

-ಹಾ ಮ ಸತೀಶ ಬೆಂಗಳೂರು

ಚಿತ್ರ ಕೃಪೆ: ಇಂಟರ್ನೆಟ್ ತಾಣ