ನನ್ನ ತೀರ್ಮಾನ‌

ಕೆಲ ಸಮಯ ನಾ ತೀರ್ಮಾನಿಸುವೆ

ಹುಟ್ಟಿರುವುದೇ ನಿರಾಸೆಯುಸಿರಾಡುವುದಕೆ

ಕೆಂದುರಿಯ ಬಿಸಿಲ ತಾಪಕೆ ಬಾಡಲು

ಕಣ್ಣೀರ ಮಳೆಯೆಲಿ  ನೆನೆಯಲು

ಶ್ರುತಿ-ಲಯವಿಲ್ಲದ ಬಾಳಗೀತೆ ಹಾಡಲು

ಕಾಮ-ಕ್ರೋಧದ ಆಳಾಗಿರಲು

ಮದ-ಮೋಹದ ಬೆನ್ನೆಲುಬಾಗಿರಲು 

ಶೋಕ-ರಥದ  ಸಾರಥಿಯಾಗಿರಲು

ನೋವು-ಬೇಗೆಯ ಬಿರುಗಾಳಿಯ ಆಪ್ತನಾಗಲು

ಹಾಲಾಹಲವೆಲ್ಲಾ  ನನಗೇ  ಕುಡಿಯಲು

ಬಾಳ-ಬೇವ ಕಹಿಯೆಲ್ಲಾ  ರುಚಿಯುಣ್ಣಲು

ಕಷ್ಟ-ಕೋಟಲೆ  ಹಾಸಲು- ಹೊದೆಯಲು

ಬೆಂದ  ಹೃದಯದ ಒಡೆಯನಾಗಲು

ಆತ್ಮವಿಲ್ಲದ  ನಿರ್ವಿಕಾರ ಪ್ರೇತವಾಗಲು.

ಶ್ರೀ ನಾಗರಾಜ್