ನನ್ನ ಮೋಹನ ಮುರಳಿ

ನನ್ನ ನಾಲಿಗೆಗೆ ಬರಲಿ

ನಿಂತಾಗ ನಲಿವಾಗ

ಕುಣಿವಾಗ ಪದವಾಗ

ಮನಸ್ಸು ನಿನ್ನಲ್ಲೇ ಇರಲಿ

ಊರಲ್ಲಿ ಇರುವಾಗ

ಕಾಯಕವ ಗೈದಾಗ

ನಿನ್ನೊಳಗೆ ನಾನೇ ಇರಲಿ

ತಿರುಗಾಟ ಇರುವಾಗ

ಹಸಿವಿದ್ದು ಉಣುವಾಗ

ನೀಯೆನ್ನ ಬಳಿಯಲ್ಲೆ ಇರಲಿ

ಕಷ್ಟದಲಿ ಇರುವಾಗ

ನಷ್ಟದಲಿ ಕುಳಿತಾಗ

ಮನದಲ್ಲಿ ನೀನೇ ಇರಲಿ

ಜ್ವರ ಬಂದು ಇದ್ದಾಗ

ನಡುಗುತ್ತಾ ಕುಳಿತಾಗ

ಮೈದಡವಿ ಬಳಿಯಲ್ಲೆ ಇರಲಿ

ಎನ್ನ ಮೋಹನ ಹರಿಯೆ

ನನ್ನ ಜೊತೆಗೇ ಇದ್ದು

ಹರಸುತಲಿ ನೆಮ್ಮದಿಯ ತರಲಿ

-ಹಾ ಮ ಸತೀಶ ಬೆಂಗಳೂರು