ನವುಲೆಯಲ್ಲಿ ಭತ್ತದ ತಳಿಗಳ ಪ್ರದರ್ಶನ

5

ಶಿವಮೊಗ್ಗ ಜಿಲ್ಲೆಯ ನವುಲೆಯ ಸಾವಯವ ಕೃಷಿ ಸಂಶೋಧನಾ ಕೇಂದ್ರದಲ್ಲಿ ೨೨ ಫೆಬ್ರವರಿ ೨೦೧೭ರಿಂದ ಭತ್ತದ ತಳಿಗಳ ಪ್ರದರ್ಶನ ಜರಗುತ್ತಿದೆ. ಅಲ್ಲಿ ೭೦ ವಿವಿಧ ದೇಸಿ ಭತ್ತದ ತಳಿಗಳನ್ನು ಪ್ರದರ್ಶನಕ್ಕೆ ಇಡಲಾಗಿದೆ. ಅವುಗಳಲ್ಲಿ ಕೆಲವು ತಳಿಗಳ ಹೆಸರು ಮತ್ತು ವಿಶೇಷತೆ ಹೀಗಿದೆ: ಕಾಳಜೀರ: ಕಪ್ಪು ಬಣ್ಣದ ಅಕ್ಕಿಯ, ಔಷಧೀಯ ಗುಣಗಳ ತಳಿ. ದೀಪಿಕಾ ರಾಣಿ ಗಾಢ ಕೆಂಪು ಬಣ್ಣದ ಅಕ್ಕಿಯ ತಳಿ. ಮೈಸೂರು ಮಲ್ಲಿಗೆ: ಅಧಿಕ ಇಳುವರಿ ನೀಡುವ ತಳಿ. ಬರರತ್ನ ಚೂಡಿ: ಕಡಿಮೆ ನೀರು ಬಳಸಿ ಬೆಳೆಯುವ ಉತ್ತಮ ಇಳುವರಿಯ ತಳಿ. ಗಂಧಸಾಲೆ: ಇದರ ಅಕ್ಕಿ ಬೇಯಿಸಿ ಅನ್ನ ಮಾಡಿದಾಗ ವಿಶೇಷ ಪರಿಮಳ ಬೀರುವ ಭತ್ತದ ತಳಿ. ಮಲೆನಾಡು ಮತ್ತು ಕರಾವಳಿ ಪ್ರದೇಶದಲ್ಲಿ ಬೆಳೆಸಲು ಸೂಕ್ತ. ನವರ: ಸಕ್ಕರೆ ಕಾಯಿಲೆ ರೋಗಿಗಳಿಗೆ ಇದರ ಅನ್ನ ಒಳ್ಳೆಯದು. ಯಾಕೆಂದರೆ ಇದರಲ್ಲಿ ಪ್ರೋಟೀನ್ ಪ್ರಮಾಣ ಜಾಸ್ತಿ ಮತ್ತು ಶರ್ಕರಪಿಷ್ಟ ಪ್ರಮಾಣ ಕಡಿಮೆ. ಮೀಸೆ ಭತ್ತ, ನೆಟ್ಟೆ ಭತ್ತ, ಕರಿ ಮೀಸೆ -
ಇವು “ಮೀಸೆ" ಹೊಂದಿರುವ ಭತ್ತದ ತಳಿಗಳು. ಜೊತೆಗೆ, ಕರಿಕಂಡಗ, ಅಂಬಿ ಮೊಹರಿ, ದಪ್ಪ ವಾಳ್ಯ, ಸೂಸಾ ಸುಗಂಧಿ, ಅರ್ಜುನ, ನಲ್ಲೂರು ಪಿಸ್ತೂಲ್ ತಳಿಗಳೂ ಇವೆ. ನವುಲೆ ಕೇಂದ್ರದ ಸಹಸಂಶೋಧಕ ಶ್ರೀಕಾಂತ್ ನೀಡಿದ ಮಾಹಿತಿ: ಇಲ್ಲಿನ ಕೃಷಿಕ್ಷೇತ್ರದಲ್ಲಿ ರಾಜ್ಯದ ವಿವಿಧ ಪ್ರದೇಶಗಳ ರೈತರು ಬೆಳೆಸುವ ದೇಸಿ ಭತ್ತದ ತಳಿಗಳನ್ನು ಸಂಗ್ರಹಿಸಿ ಬೆಳೆಸಲಾಗುತ್ತಿದೆ. ಈ ವರೆಗೆ ೧೪೫ ಭತ್ತದ ತಳಿಗಳ ಸಂರಕ್ಷಣೆ ಮಾಡಲಾಗಿದೆ.

ನಿಮಗೆ ಈ ಬರಹ ಇಷ್ಟವಾಯಿತೇ? ತಿಳಿಸಿ: 
To prevent automated spam submissions leave this field empty.