ನಾ ನಿನಗೆ ಸೋಲುವುದಿಲ್ಲ ಓ ಜವರಾಯ

ಮನವೇಕೋ ಭಾರವಾಗಿದೆ ಇಂದು, ಗೊಂದಲದ ಗೂಡಾಗಿದೆ..
ಹಲವು ಚಿಂತೆಗಳು ಕಾಡುತಿವೆ ನನ್ನ ಈ ಮನದೊಳಗೆ..

ಏನೊಂದೂ ಮಾಡಲು ತೋಚದಾಗದೆ ನಿಂತಿಹೆನು ನಾ ಒಬ್ಬಂಟಿಯಾಗಿ..
ಶುಭಘಳಿಗೆಗೆ ಕಾಯುತ ಕಾಯುತ ಬಸವಳಿದು ಬರಿದಾದೆನು..

ಆಸೆಯ ಸೆಲೆಗಳು ಬತ್ತಿ ಮರುಭೂಮಿಯಂತಾಗಿದೆ ಮನವು..
ಮನದ ಮುಗಿಲಿನ ಕಾರ್ಮೋಡ ಸರಿದು ಮೂಡುವುದೇ ಕಾಮನಬಿಲ್ಲು?

ಏನೇ ಆದರೂ ನಾ ನಿನಗೆ ಸೋಲುವುದಿಲ್ಲ ಓ ಜವರಾಯ..
ಮನದ ದುಗುಡಗಳು ಕರಗುವುದೆಂಬ ಭರವಸೆಯಲ್ಲೇ ದೂಡುವೆನು ಕಾಲವನು