ನಿಗೂಢ ರಾತ್ರಿಯಲಿ

ನಿಗೂಢ ರಾತ್ರಿಯಲಿ ಹೊಳೆಯುವುದು
ಆಗಸದಲ್ಲಿ ನಕ್ಷತ್ರಗಳು
ಇದ್ದೂ ಇಲ್ಲದಂತಿರುತ್ತವೆ
ಸುಮ್ಮನೆ ದಿನದ ಬೆಳಕಿನಲ್ಲಿ

ರಾತ್ರಿಯ ಕತ್ತಲಲ್ಲಿ
ಬಿದ್ದ ಕನಸುಗಳೆಲ್ಲ
ಹೂವಾಗಿ ಅರಳಿ
ಮಂಜು ಮುಸುಕಿದ ಮುಂಜಾವಿನಲಿ
ಕವಿತೆಗಳಾಗಿ ಘಮಘಮಿಸುವುದು
ಬೆಳಕಿನಲ್ಲಿ ಕಂಡಿದ್ದೆಲ್ಲ ಅರ್ಥವಾಗುವುದಿಲ್ಲ
ಮುಂಜಾನೆಗೊಂದು ಬಣ್ಣ.....
ಸಂಜೆಗೆ ಮತ್ತೊಂದು.....

ರಾತ್ರಿಯ ಕಪ್ಪು ಬದಲಾಗುವುದಿಲ್ಲ
ಕ್ಷಣಕ್ಕೊಂದು ಬಣ್ಣ
ಕರಾಳ ಕತ್ತಲಲ್ಲಿ
ಜೀವ ಮೊಳಕೆಯೊಡೆಯುತ್ತದೆ