ನಿನ್ನಿಷ್ಟದ ದುರುಳ

ನಿನ್ನಿಷ್ಟದ ದುರುಳ

By mnsantu_7389 on Sat, 07/21/2012 - 13:24
ಕವನ
ಏ ಹುಡುಗಿ
ನೀ ಎಲ್ಲಿ ಅಡಗಿ?
ನನ್ನ ಕಾಡುತಿರುವೆ. 
ಹೀಗೆ ಕಾಡಿ, ಕಾಡಿ 
ನನ್ಹೇಕೆ ಒಳಗೊಳಗೆ ಕೊಲ್ಲುತಿರುವೆ ??
 
ನನ್ನ ಕಣಿವೆಯೆಂಬ
ಹೃದಯ ಕೊರೆದು
ನಿನ್ನ ಪ್ರೀತಿಧಾರೆ ಹರಿಸಿದೆ.
ಆ ಧಾರೆಗಾಗೆ 
ದಾರಿಯಾದ ಧನ್ಯತೆಯಲಿ 
ಮನವು ಮಿಡಿದಿದೆ !
 
ಮರುಭೂಮಿಯಲ್ಲಿ 
ನಿನ್ನ ಪ್ರೇಮ ಪಶೆಗಾಗಿ ಕಾದ 
ಮರಳ ಕಣವು ನಾನೆಲೆ !
ಆ ಮಳೇಲಿ ಮಿಂದ ಒಡನೆ
ಮೂಡಿದೆ, ಮನಗಳು 
ಮಿಳಿತವಾದ ಹಿತ ಭಾವನೆ !!
 
ಕೊರೆವ ಚಳಿಯಲೂ
ಬೇಸಿಗೆಯ ಬಿಸಿ ನೀಡಲು
ನಿನ್ನ ಸವಿ ನೆನಪೆ ಸಾಕಿದೆ !
ಹೀಗಿದ್ದರೂನೂ
ನನ್ನ ಬಳಿಗೆ ಬಂದು
ಮತ್ತೆ ಮತ್ತೆ ಸೋಕಿದೆ !
ನಿನ್ನ ಪ್ರತಿ ಸೋಕಿನಲ್ಲೂ
ಪ್ರೀತಿಯ ಸೋಂಕಿದೆ !!
 
ನಿನ್ನ ಇರುವ 
ನೆರವ ಬಯಸಿ
ಕಾಯುತಿರುವ 
ಆಶಾವಾದಿ ನಾನೆಲೆ !
ಪುಟ್ಟ ಬಟ್ಟಲೊಳಗಿನ
ನೀರಿನ ನಿನ್ನ ನೀರವ ಸಾಗರದಲ್ಲಿ
ಅಲೆಯಾಗಿ ಮನಕೆ ಮುದನೀಡಲೆ ? !
 
ಕಣ್ಣೋಟದ ನಿನ್ನಾಟದಲ್ಲಿಯೇ
ಭಾವನೆಗಳ ಭಾರವಳೆದು,
ಮುನಿಸ ಮುರಿದು,
ಮೌನ ತೊರೆದು,
ನಿನ್ನ ಬಳಿಗೆ ಬಂದು
ಬಿಗಿದಪ್ಪಿ ಭರಸೆಳೆಯಲೆ ?!
 
ಏ ಹುಡುಗಿ
ನೀ ಹೀಗೆಲ್ಲಾ ಕಾಡಿದರೂ
ಸುಮ್ಮನಿದ್ದು, 
ಸಮಾಜದ ದೃಷ್ಟಿಯಲ್ಲಿ
ಶಿಷ್ಠನಾಗಲೆ? 
ಇಲ್ಲ ನಿನ್ನನೂ ಕಾಡಿ, ಕಿಚಾಯಿಸಿ 
ನಿನ್ನಿಷ್ಟದ "ದುರುಳ"ನಾಗಲೆ??
 
 
 

Comments