ನಿನ್ನ ಮಾಯೆ ಮುಸುಕಿನಲ್ಲಿ

ನಿನ್ನ ಮಾಯೆ ಮುಸುಕಿನಲ್ಲಿ

ನಿನ್ನ ದನಿಯ ಎದೆಗೆ ಅವಚಿ|

ನಿನ್ನ ನೆನಪ ನೆನಪಿಸುತ್ತ

ಗೋಡೆಗೊರಗಿ ಮಲಗಿಕೊಂಡೆನಾ ||೧||

ಮುಗ್ಧ ಮೊಗವ ನೆನೆದು ದಣಿದೆ

ದಗ್ಧ ವಿಧಿಯ ಜರಿದು ಮಣಿದೆ |

ನಗ್ನಸತ್ಯ ವ್ಯಾಪ್ತೆ ನೀನು

ಮುನಿಸಿಕೊಂಡೆ ಇನಿಯನೊಡನೆ ||೨||

ಕನಸು ಕಂಡೆ ಹಗೆಯಮರೆತು

ರಮಿಸಿ ಬಂದೆ ನಲ್ಲನರಿತು |

ಎಲ್ಲ ಮೀರಿ ಎಲ್ಲೆ ದಾಟಿ

ನಲ್ಲೆ ಸಂಗ ಸ್ವರ್ಗ ಸಾಟಿ ||೩||

ನಿನ್ನ ಕಣ್ಣ ಬೆಳಕಿನಲ್ಲಿ

ನಿನ್ನ ಕಣ್ಣ ಝಳಕಿನಲ್ಲಿ |

ನಿನ್ನ ಸಂಗ ಸ್ವರ್ಗದಲ್ಲಿ

ಸಖಿಸಿ ಸುಖಿಸಿ ಸೃಜಿಸಿದೆ ||೪||

ಕಾಲ ಪರಿಧಿ ಯಾರ ಬಿಡದು

ಬಾನನೇರಿ ಭಾನು ಬಂದ ನಡೆದು |

ಪ್ರಖರ ಕಿರಣ ಕಣ್ಣು ಕುಕ್ಕಿ

ಎದ್ದು ಕೂತೆ ನಿನ್ನೆ ನಿನ್ನ ನೆನೆಸಿ ಅಟ್ಟದಲ್ಲಿ ಮಲಗಿದ್ದೆ ನಾ ||೫||