.....ಪಿತ್ರು ದೇವೋ ಭವ!!

ಕಪ್ಪು ನೆಲದ ಮೈಯ ಬೆವರಲ್ಲಿ

ಅರಳಿದ ಫಸಲೆಲ್ಲಾ ಹಸಿರು..!

ನನ್ನ ಭವಿಶತ್ತಿನ ಕನಸುಗಳು...

ಹಗಲು-ರಾತ್ರಿ ನಿದ್ದೆ ಕಾಣದೆ

ಉರಿದಿದ್ದಿದೆ ಮೇಣದ ಬದುಕಲ್ಲಿ!!

ನಿನ್ನ ತೇಪೆ ಹಚ್ಚಿದ ಅಂಗಿಯಲ್ಲಿ

ನನ್ನ ಕನಸುಗಳು ಮುಗಳ್ನಕ್ಕು

ಈಗ ಬಿಕ್ಕಿವೆ.......

ನನ್ನ ರಂಗು-ರಂಗಿನ ಬಟ್ಟೆಯಲ್ಲಿ!!

ಆಟಿಕೆಗಾಗಿ ನನ್ನಯ ಬಾಲ್ಯ ಅತ್ತಾಗ,

ಜೀವಂತ ಆಟಿಕೆಯಾಗಿ...

ಕಣ್ಣೀರ ಒರೆಸಿದ್ದು;

ಎದ್ದು ನಿಲ್ಲುವ ನನ್ನ ತಡವರಿಕೆಗಳಿಗೆ...

ನಿನ್ನ ಕಿರುಬೆರಳು ಗೋವರ್ಧನಗಿರಿಯಾಗಿದ್ದು...

ಕಣ್ತುಂಬಿ ನಿಂತಿವೆ....!!!

ಈಗ.....,

ಈ ಮಹಲಲಿ ದೀಪ ಉರಿಸಲೂ

ಮನಸ್ಸಾಗುತ್ತಿಲ್ಲ....

ಆಶ್ರಮಕ್ಕೆ ಬಿಟ್ಟು ಬರುವಾಗ

ನೀ ಕಲಿಸಿದ ಸಂಸ್ಕಾರ

ಕಾಲಿಗೆರಗಿತ್ತು......?!!

ಆಗಲೂ....,

ಚೆನ್ನಾಗಿರು ಎನ್ನುವ ನಿನ್ನ

ತುಂಬು ಹ್ರುದಯದ ಹಾರೈಕೆ,

ಬೆನ್ನಾದ ನನಗೆ.....

ಜೀವಂತವಾಗಿ ಗಲ್ಲಿಗೇರಿಸಿತ್ತು.....!!!