ಪ್ರಕೃತಿಯ ಮಡಿಲು

ತಿಳಿನೀಲ ನಭದೊಳು

ಕಾರ್ಮೋಡಗಳ ತೋರಣವು

ಕೈ ಬೀಸಿ ಕರೆಯುತಿದೆ

ಬೆಟ್ಟ ಗುಟ್ಟಗಳ ಚಾರಣವು//

ಪ್ರಕೃತಿಯ ಸೊಬಗು ಕಾಣಲು

ಮನಕೆ ಸಂತಸದ ಹೊನಲು

ಬೆಳೆದ ಗಿಡ ಮರಗಳ ಸಾಲು

ಆನಂದವು ಮನದಲಿ ನೆಲೆಸಲು //

ದಿನಕರನ ದಿವ್ಯ ತೇಜವೋ

ಹಕ್ಕಿಗಳ ಚಿಲಿಪಿಲಿ ಗಾನವೋ

ಕಂಗು ತೆಂಗಿನಾ ಶೋಭೆಯೋ

ಚೈತನ್ಯವೊ ಆಕಾಂಕ್ಷೆಯೋ //

ತಣ್ಣನೆಯ ಗಾಳಿ ಒಡಲಾನಂದ

ಕಂಗಳು ಮುಚ್ಚದೆ ನೋಡಲಾನಂದ

ಹಸಿರು ಗಿಡ ಮರದ ಅಂದ

ಪ್ರಕೃತಿ ಮಾತೆ ನಾ ನಿನ್ನ ಕಂದ//

-ಸುಭಾಷಿಣಿ ಚಂದ್ರ, ಕಾಸರಗೋಡು