ಬರಲಿ ಬರಲಿ ಈ ಯುಗಾದಿ

ಬರಲಿ ಬರಲಿ ಈ ಯುಗಾದಿ
ಬರುತಲಿಹುದು ಖರ ಯುಗಾದಿ
ಕಾಯುತಿಹೆವು ನಾವು ಕೂಡಿ
ಜಯಗೀತೆಯ ಹಾಡಿ
           ಜಯಗೀತೆಯ ಹಾಡಿ   || ಪ ||

ಖರವಾಗಲಿ ಸಂಪದದಲಿ 
ಗೆಲುವಾಗಲಿ  ಇಳೆಯಲಿ
ಜಯವಾಗಲಿ  ಸತ್ಕೃತಿಯಲಿ
ವಿಕೃತಿಗಳು ಅಳಿಯಲಿ
         ವಿಕೃತಿಗಳು  ಅಳಿಯಲಿ  || ೧ ||

ಸಾಕು ಸಾಕು ಈ ವಿಕೃತಿ
ಎಲ್ಲಿ ನಮ್ಮ ಸುಕೃತಿ
ಬೇಕು ನಮಗೆ ಸಂಸ್ಕೃತಿ
ಬದಲಾಗಬೇಕು ಈ ಸ್ಥಿತಿ 
            ಬದಲಾಗಬೇಕು ಈ ಸ್ಥಿತಿ  || ೨ ||

ಬೇವಡಗಲು  ಸಿಹಿ ಹೊಮ್ಮಲು
ಮೊಗದಲಿ ನಗು ನಗುತಲಿರಲು
ನೋವ ಕಳೆದು ಸೌಖ್ಯವು
ಅದು ಯುಗಾದಿ ಹಬ್ಬವು
            ಅದೇ ಯುಗಾದಿ ಹಬ್ಬವು || ೩ ||

ಖರವಾಗಲಿ ಸಿರಿ ಸಂಪದ 
ಬಾಳಿನೆಲ್ಲ ಗುರಿ ಸೌಧದ
ತೃಪ್ತಿ ಸಿಗಲಿ ಸರ್ವಥಾ
ಗೆಲುವಾಗಲಿ ಜನಪದ
              ಗೆಲುವಾಗಲಿ ಜನಪದ   || ೪ ||


( ಖರ = ಸಂವತ್ಸರದ ಹೆಸರು ಮತ್ತು ಗಟ್ಟಿಯಾದ, ಹರಿತವಾದ, ತೀಕ್ಷ್ಣವಾದ, ಹೆಚ್ಚಾಗಿ, ವಿಶೇಷವಾಗಿ ಎಂಬರ್ಥಗಳಿವೆ. )
                                                         
                                                                                                                                              -  ಸದಾನಂದ