*ಬಾಲ್ಯದ ನೆನೆಪು*

ಬಾಲ್ಯದ ಸೊಬಗಲಿ

ಮೌಲ್ಯವ ರೂಢಿಸಿ

ಕಾಲ್ಯದಿ ಮಿನುಗುವ ತಾರೆಗಳು

ಮಾಲ್ಯವ ಹೊಸೆಯುವ

ಕೌಲ್ಯದ ಚಿಗುರಿವು

ಲೌಲ್ಯದಿ ಮೆರೆಯುವ ಕುಡಿಗಳಿವು||

ಮಧುರತೆ ಬಿಂಬವು

ಹೃದಯದ ಭಾಗದಿ

ಚದುರುವ ಕದಳಿಯ ರಸಬಾಳೆ

ಎದೆಯಲಿ ಹೊಕ್ಕುವ

ಪದಗಳ ಸಾಲಲಿ

ವದನದಿ ಕಂಡಿವೆ ಹೊಂಬಾಳೆ||

ನೆನಪಿನ ಹಂತವು

ಹೊನಲಿನ ಬುಗ್ಗೆಯು

ಬನದಲಿ ಕುಣಿಯುವ ಜೀವಸೆಲೆ

ಮನನದಿ ನಿರತವು

ಸನಿಹದ ಬಂಧವು

ಹನಿಹನಿ ಸುರಿಯುವ ಭಾವದಲೆ||

ಆಟದ ಸಮಯದಿ

ಕೂಟದ ಮಂಥನ

ಸಾಟಿಯು ತೋರದ ಹೂಮಳೆಯು

ನೋಟವ ಬೀರುತ

ಪಾಟಿಯ ಚೀಲದಿ

ನಾಟುವ ರೀತಿಯ ಸುಮಭರಿತ||

ಅಂದದ ಹಂತವು

ಬಂದಿದೆ ನೆನಪಿಗೆ

ನಂದನ ಚೆಲುವನು ಬಿತ್ತುತಿವೆ

ಇಂದಿನ ದಿನದಲಿ

ಚಂದದ ಮಾತದು

ಹಂದರ ಹೊಸೆಯುತ ಸಾಗುತಿವೆ||

ಒಲವಿನ ಚಣವದು

ಬಲುಮೆಯ ಮನದಲಿ

ಫಲವನು ನೀಡುತ ಬೆಳೆದಿಹವು

ಕಲೆಯಲಿ ಬಲೆಯನು

ಕಲಿಸುತ ನಡೆದಿವೆ

ಸಲಿಲದ ನರ್ತನ ಚುಂಬಿತವು||

ಚಿನ್ನಿಯಕೋಲಲಿ

ಬನ್ನಿರಿ  ಹೊಡೆಯುತ

ಮುನ್ನುಡಿಯಾಟಕೆ ಫಲಶೃತಿಯು

ನನ್ನೆಯ ಮನದಲಿ

ಹೊನ್ನಿನ ಸಿರಿಯದು

ಜೊನ್ನನ ಬಿಂಬದಿ ಮೆರೆದಿಹವು|

ಮಕ್ಕಳ ವೈಖರಿ

ಸಕ್ಕರೆ ನೋಟದಿ

ಪಕ್ಕನೆ ಪಳಗುತ ನಲಿದಿಹವು

ಅಕ್ಕರೆ ಮಾತಲಿ

ನಕ್ಕುತ ಜಿಗಿಯುತ

ಚಕ್ಕನೆ ಸೇರುವ ಸಂಗಮದಿ|

ಮರೆಯದ ಬಾಲ್ಯವು

ಕರೆದಿದೆ ಮುಂದೆಯು

ಬರೆಯುವ ಕವನದ ಸಾಲಿನಲಿ

ಸುರಿದಿವೆ ಹೂಮಳೆ

ಸರಿಯುತ ತಮವನು

ಧರೆಯಲಿ ಬೀಗುವ ನವಸುಮವು||

ಅಳುಕದ ಮುಗ್ಧತೆ

ಬಳುಕುವ ಬಳ್ಳಿಯು

ಥಳಥಳ ಹೊಳೆಯುವ ತರುಲತೆಯು

ಇಳೆಯಲಿ ಕುಣಿಯುತ

ಕಳೆಯನು ಹೆಚ್ಚಿಸಿ

ಮಳೆಯಲಿ ನೆನೆಯುವ ಮಕ್ಕಳಿವು||

-*ಅಭಿಜ್ಞಾ ಪಿ ಎಮ್ ಗೌಡ*