ಬೀ Chi ಯವರ ಅಂದನಾ ತಿಮ್ಮ...........3
ಯಾತ್ರೆಗೆ ಬಂದಿರುವೆ ಧರ್ಮಶಾಲೆಯಲಿರು|
ರಾತ್ರಿ ಮೂರು ಕಳೆ, ಮುಂದು ಸಾಗು |
ಪಾತ್ರೆ ಪಡುಗ ಕೊಡು, ಧರ್ಮಶಾಲೆಯ ಬಿಡು|
ಯಾತ್ರಿಕ ನೀನಿಲ್ಲಿ , ಅರಿತು ಬಾಳೋ ತಿಂಮ ||
ಎಳೆರವಿಯ ದಿಟ್ಟಿಸುತ ಅಜ್ಜ ಕುಳಿತಿದ್ದ|
ಕೇಳಿದ ಗೀಬ್ರಾನ್ ಏನ ನೋಡುವಿ ತಾತ? |
ಬಾಳು ಎಂದಜ್ಜ , ಅಷ್ಟೇನೇ ? ಅಂದ ಗೀಬ್ರಾನ್ |
ಸಾಲದೇ? ಕೇಳಿದನಾ ಅಜ್ಜಾ , ತಿಳಿಯಿತೇ ತಿಮ್ಮ?||
ಜೀವನದಿ ಬೇಸತ್ತು ಒಮ್ಮೆ ಸಾಯಲು ಹೊರಟೆ|
ಬಾವಿ ಕಂಡೆನು ಒಂದ , ನೀರಿಗಿಳಿದೆ|
ಹಾವು!!!! ಒಂದೇ ಓಟ.....ಸಾವಿಗೆ ಹಾವೇನು?|
ಬಾವೇನು?...ಬಾಳು ಸೋಜಿಗ ತಿಂಮ ||
ಬಾಳು ಗೋಳಾಯಿತೆಂದು ಅಳುವುದು ಹೊಲ್ಲ |
ಗೋಳು ಅಳುವವಗಷ್ಟೇ ಮೀಸಲುಂಟು |
ಬಾಳ ಗುಟ್ಟರಿತು ಬದುಕುವವಗೆ ಆತ್ಮದ ಹಸಿವಿದು |
ಬಾಳು ಹಬ್ಬವೂ ಹೌದು, ಬಾಳು ತಿಂಮ ||
(ಮತ್ತಷ್ಟು ನಾಳೆಗೆ)
Comments
ಪ್ರಕಾಶ ನರಸಿಂಹಯ್ಯನವರೇ,
In reply to ಪ್ರಕಾಶ ನರಸಿಂಹಯ್ಯನವರೇ, by lpitnal@gmail.com
ಆತ್ಮೀಯ ಇಟ್ನಾಳರೆ, ಧನ್ಯವಾದಗಳು