ಭಕ್ತಜನ ಸುರಧೇನು

ಗೋವಿಂದ ಮುಕುಂದ ಮುರಾರಿ

ದೇವಕಿ ಕಂದ ಬಾಲಕೃಷ್ಣ ಅಸುರಾರಿ/

ಯಶೋದಾ ನಂದನ ಕಂಸಾರಿ

ದುಷ್ಟರ ಪಾಲಿನ ವೈರಿ//

ಕನಕನಿಗೊಲಿದ ಶ್ರೀಕೃಷ್ಣ ಹರೇ

ರಾಧಾ ಮಾಧವ ಶ್ರೀಶ ಹರೇ/

ಮೋಹನಾಂಗ ಮಧುಸೂದನ ಹರೇ

ನಂದ ಬಾಲ ಶ್ಯಾಮಲಾಂಗ ಹರೇ//

ಕಾಳಿಂಗನ ಹೆಡೆಯ ತುಳಿದ ಧೀರ

ಗೋಪಾಲರ ಗೋವುಗಳ ರಕ್ಷಿಸಿದ ಪೋರ/

ಪೂತನಿಗೆ ಮೋಕ್ಷ ಕರುಣಿಸಿದ ಮಹಿಮ

ಶಿಶುಪಾಲನ ವಧಿಸಿ ಪೊರೆದ ಕರುಣ//

ಗೀತೆಯ ಬೋಧಿಸಿ ಸನ್ಮಾರ್ಗ ತೋರಿದೆ

ಧರ್ಮಯುದ್ಧದಿ ಪಾಂಡವರ ಗೆಲಿಸಿದೆ/

ವೃಂದಾವನವಾಸ ಭಾಮಾಳಿಗೊಲಿದೆ

ವೇಣುವಿನೋದನೆ ವನಮಾಲಿಯಾದೆ//

ಗಿರಿಯನೆತ್ತಿ ಗೋವರ್ಧನನಾದೆ

ನವಿಲುಗರಿಯ ಕಿರೀಟದಿ ಧರಿಸಿದೆ/

ವಿಶ್ವರೂಪವ  ಪ್ರದರ್ಶಿಸಿ ದೇವನಾದೆ

ಭಕ್ತಜನ ಸುರಧೇನು  ಎನಿಸಿದೆ//

ಹರಿಚರಣ ಸೇವೆಯಲಿ ಸಾರವಿದೆಯೆಂದೆ

ಭವಬಂಧನ ಬಿಡಿಸಲು ಭಕ್ತಿಯೊಂದೆ/

ತಂಗಿ ಕೃಷ್ಣೆಯ ಮಾನ ಕಾಪಾಡಿದೆ

ಕೇಶವನೆ ಕೃಪಾಳು ನಿನ್ನ ಭಜಿಸಿದೆ//

-ರತ್ನಾ ಕೆ ಭಟ್ ತಲಂಜೇರಿ

ಚಿತ್ರ: ಶ್ರೇಯಸ್ ಕಾಮತ್, ಬೆಂಗಳೂರು