ಭಕ್ತಿ- ಎರಡು ವಿಭಿನ್ನ ದೃಷ್ಟಿ
ಭಕ್ತಿ-ಚಿಂತನೆ
ಶ್ರೀ ಕೃಷ್ಣ ಹೇಳಿದ್ದು - ಭಕ್ತ್ಯಾತ್ವನನ್ಯಯಾ ಶಕ್ಯ ಅಹಮೇವಂ ವಿಧೋರ್ಜುನ|
ಅನನ್ಯವಾದ ಭಕ್ತಿಯಿಂದ ನನ್ನನ್ನು ತಿಳಿಯಬಹುದು.(ಭ.ಗೀ,೧೧-೫೪)
ಭಕ್ತಿಯೆಂದರೆ?
ಶಂಕರಾಚಾರ್ಯರ ಪ್ರಕಾರ-
ಮೋಕ್ಷಸಾಧನ ಸಾಮಗ್ರ್ಯಾಂ ಭಕ್ತಿರೇವ ಗರೀಯಸೀ|
ಸ್ವಸ್ವರೂಪಾನುಸಂಧಾನಂ ಭಕ್ತಿರಿತ್ಯಭಿಧೀಯತೇ||(ವಿವೇಕ ಚೂಡಾಮಣಿ-೩೧)
ಮೋಕ್ಷಕ್ಕೆ ಸಹಾಯಕವಾಗಿರುವ ಸಲಕರಣೆಗಳಲ್ಲಿ ಭಕ್ತಿಯೇ ಶ್ರೇಷ್ಠವಾದುದು.
ತನ್ನ ನಿಜವಾದ ಆತ್ಮ ಸ್ವರೂಪದ ಅನುಸಂಧಾನವೇ ಭಕ್ತಿಯೆನಿಸುವುದು.
(ಇಲ್ಲಿ ಅದ್ವೈತ ದೃಷ್ಟಿಯ ಪ್ರಕಾರ ಭಕ್ತಿಯ ಲಕ್ಷಣವನ್ನು ಹೇಳಿದೆ.)
ಮಧ್ವಾಚಾರ್ಯರ ಪ್ರಕಾರ-
ಮಾಹಾತ್ಮ್ಯ ಜ್ಞಾನಪೂರ್ವಸ್ತು ಸುಧೃಢಃ ಸರ್ವತೋಧಿಕಃ|
ಸ್ನೇಹೋ ಭಕ್ತಿರಿತಿ ಪ್ರೋಕ್ತಃ ತಯಾ ಮುಕ್ತಿರ್ನಚಾನ್ಯಥಾ||(ಭಾರತ ತಾತ್ಪರ್ಯ ನಿರ್ಣಯ)
ಮಾಹಾತ್ಮ್ಯ ಜ್ಞಾನಪೂರ್ವಕವಾದ ತನ್ನ, ತನಗೆ ಬೇಕಾದವರೆಲ್ಲರಮೇಲಿರುವ ಪ್ರೀತಿಗಿಂತಲೂ ಅಧಿಕವಾದ ಸ್ನೇಹಕ್ಕೆ (ಪ್ರೀತಿಗೆ)
ಭಕ್ತಿ ಎಂದು ಹೆಸರು.ಇದರಿಂದಲೇ ಮುಕ್ತಿ ಆಗುವುದಲ್ಲದೇ ಬೇರೆಯಾವುದರಿಂದಲೂ ಮುಕ್ತಿಯಾಗದು.
ಹೀಗೆ ಅದ್ವೈತಿಗಳ ಭಕ್ತಿಯ ಪರಿಕಲ್ಪನೆಯೂ ದ್ವೈತಿಗಳ ಪರಿಕಲ್ಪನೆಯೂ ಬೇರೆ ಬೇರೆ ಮಟ್ಟದ ಚಿಂತನೆಯಾಗಿದೆ.