ಭಾವೈಕ್ಯತೆ ಭಾವ ಬಿಂದು

ಭಾವೈಕ್ಯತೆ ಭಾವ ಬಿಂದು

ಸಂಧಿಸಲಿ ಮನಗಳನು

ಒಡೆದು ನೂರು ಚೂರಾದ

ಭಿನ್ನಭಿನ್ನ ಕುಲಗಳನು ॥

ಮನುಕುಲದ ಜನ್ಮ ಒಂದೇ

ಮನಕಲಕುವ ದ್ವೇಷವೇಕೆ?

ಹೆಗಲಿಗೆಗಲು ಕೊಟ್ಟು ಇಂದೇ

ಬಾಳಿದರೆ ಸ್ವರ್ಗವೇಕೆ?॥

ಭರತ ಮಾತೆ ಮಕ್ಕಳಲ್ಲಿ

ಉಚ್ಛ ನೀಚ ಭೇಧ ಬೇಕೇ?

ಒಂದೇ ಒಡಲ ಗುಡಿಗಳಲ್ಲಿ

ಕುಲಮತಗಳು ಕಾಡಬೇಕೇ? ॥

ಹೆತ್ತವಳಿಗೆ ಜಾತಿ ಇಲ್ಲ

ಹೊತ್ತವಳಿಗೆ ಧರ್ಮವಿಲ್ಲ

ಅವಳ ಮಕ್ಕಳಾದ ನಮಗೆ

ಹತ್ತು ಹಲವು ಗೋಡೆ ಏಕೆ? ॥

ಊರು ಕೇರಿ ಬೇರೆ ಬೇರೆ

ಗಾಳಿ ನೀರು ಒಂದೇ ತಾನೇ

ಮೈಯ್ಯ ಬಣ್ಣ ಕಪ್ಪು ಬಿಳುಪು

ಹರಿವ ರಕ್ತ ಕೆಂಪಲ್ಲವೇ?

ಎದೆಯ ಬಡಿತ ದೇಶಕಾಗಿ

ಹೃದಯ ತುಡಿಯ ಸೇವೆಗಾಗಿ

ಮನಮನಗಳು ಐಕ್ಯವಾಗಿ

ಭಾವೈಕ್ಯತೆ ಮೆರೆಯಲಿ ॥

-ರೂಪಾ ಹೊಸದುರ್ಗ

ಚಿತ್ರ ಕೃಪೆ: ಇಂಟರ್ನೆಟ್ ತಾಣ