ಮಕ್ಕಳ ದಿನಾಚರಣೆ

ಚಾಚಾ ನೆಹರೂ ಮಕ್ಕಳ ನೆಹರೂ

ರಾಷ್ಟ್ರೀಯ ನಾಯಕರಿವರು|

ಮಕ್ಕಳೆಂದರೆ ಬಲು ಪ್ರೀತಿ

ಅಕ್ಕರೆ ಸಕ್ಕರೆ ಎನುವರು||

ಗುಲಾಬಿ ಹೂವು ನೀಡಲು ಮಗುವು

ಕೋಟಿನ ಜೇಬಿಗೆ ಸಿಲುಕಿಸುವರು|

ಬರಸೆಳೆದು ಅಪ್ಪಿ ಮುದ್ದಾಡುವರು

ಹೇಗಿರುವೆ ಎಂದು ಕೇಳುವರು||

ನೆಹರೂ ತಾತನ ಹುಟ್ಟಿದ ದಿನವು

ಮಕ್ಕಳ ದಿನವೆಂದು ಘೋಷಣೆಯಾಯಿತು|

ಸಡಗರ ಸಂಭ್ರಮ ಭಾರತ ದೇಶದಿ

ಎಲ್ಲಡೆ ನಡೆಯಲು ಹರುಷದಲಿ||

ಮಕ್ಕಳೇ ಕೇಳಿರಿ ಒಳ್ಳೆಯ ಮನದಲಿ

ಆಟಪಾಠ ನೀತಿ ಕಲಿಯಿರಿ|

ತಾಯಿ ತಂದೆಯ ಗುರುಗಳ ಹಿರಿಯರ

ಪ್ರೀತಿ ಗೌರವ ಭಕ್ತಿಯಲಿ ನೋಡಿರಿ||

ಹೊತ್ತು  ತುತ್ತು ನೀಡುವ  ಬುವಿಯ

ಪ್ರಕೃತಿ ಮಾತೆಯ ಮರೆಯದಿರಿ|

ತಾಯ್ನಾಡ ಸೇವೆ ನಿಮ್ಮಯ ಗುರಿಯು

ಇಂದೇ ಪ್ರತಿಜ್ಞೆಯ ಮಾಡಿರಿ||

-ರತ್ನಾ ಕೆ ಭಟ್ ತಲಂಜೇರಿ 

ರೂಪದರ್ಶಿಗಳು: ಆರ್ಯನ್, ಚಾಹಲ್ ಕುಂಪಲ ಮತ್ತು ಆದ್ಯ ಪ್ರಕಾಶ್ ಬೋಂದೇಲ್