ಮತ್ತದೇ ಹೆಜ್ಜೆ ಮೂಡದ ಹಾದಿ!

೧

ಬೀಜ ಬೀಜಗಳಾಗುವ ನೆವಕೆ

ಕಾರ್ಮುಗಿಲು ಕರಗಿ ಮಳೆಯಾಗಿ ಸುರಿಯೆ

ಇಳೆಗೆ ಹಸಿರು, ಹೊವಿನ ತೇರು

ಅ೦ದ ಸುಗ೦ಧಗಳ ಮಾಯೆ

ಮೆರೆದರಕ್ಷಣದಲ್ಲೇ ಕರಗಿ, ಗೊಬ್ಬರ, ದುರ್ನಾತ ....ಮಳೆ ...ಬೀಜ ....

ಮತ್ತದೇ ಹೆಜ್ಜೆ ಮೂಡದ ಹಾದಿ

೨

ಪ೦ಚ ಭೂತಗಳನು೦ಡು

ಒ೦ಬತ್ತು ತಿ೦ಗಳ ಮಗು

ಮಾಗಿ, ಅದಕೆ ಮಗುವಾಗಿ.....

ಬದುಕು ಬಣ್ಣ ಬಣ್ಣದ ಚೈತ್ರ, ವಿಚಿತ್ರ, ಕಾಮನ ಬಿಲ್ಲು

....ಕಣ್ಮರೆಯಾಗಿ...... ಹೆಣವಾಗಿ.....

ಮತ್ತದೇ ಹೆಜ್ಜೆ ಮೂಡದ ಹಾದಿ

೩

ಅಸೆಗಳುಟ್ಟಿ....., ಅರಮನೆಗಳುಟ್ಟಿ...ತತ್ವಗಳುಟ್ಟಿ....

ಅವನಿವನ ಮೇಲೆರಗಿ, ಇವನವನ ಮೇಲೆರಗಿ

ಮಣ್ಣಾಗಿ... ಹೆಜ್ಜೆ ಹೆಜ್ಜೆಗೂ ವೀರಗಲ್ಲುಗಳು,...

ತಾ೦ಮ್ರ ಪಲಕಗಳು, ಅಗಿದಷ್ಟೂ ಅಸ್ಥಿಅ೦ಜರ!....

ಈ.... ನಿಲ್ಲದ ನಿರ೦ತರ ಓಟಕ್ಕೆ, ಆಟಕ್ಕೆ, 

ಆಸೆಯೇ ಆಸರೆ... ಕೀಲೆಣ್ಣೆ....  

ಮತ್ತದೇ ಹೆಜ್ಜೆ ಮೂಡದ ಹಾದಿ

೪

ಹಣ್ಣಿಗಾಗಿ... ಹೆಣ್ಣಿಗಾಗಿ.....

ಹೆಸರು... ಹಸೂಯೆ....ನೀರು, ನೆಲ, ಮುಗಿಲುಗಳಿಗಗಾಗಿ.....

ಗುದ್ದಾಟ ಸಾಗುತ್ತಲೇ ಇದೆ....

ನೆಲ ಕ್ರಾ೦ತಿಗಾಗಿ ಗರ್ಭದರಿಸಿದೆ.

ಸಾವು, ಹಸಿವು,ಗಾಳಿ,ನೀರು, ಬೆಳಕು

ನಿಲ್ಲದ ನಿರ೦ತರ ಓಟದಲ್ಲಿ ತಲ್ಲೀನ.

ಮತ್ತದೇ ಹೆಜ್ಜೆ ಮೂಡದ ಹಾದಿ!