ಮದ್ದು ಗುಂಡಿನ ಕಿಡಿಯು ಹಾರಿಸಿ...

(ಭಾಮಿನಿ ಷಟ್ಪದಿ)

ದೀಪ ಹಚ್ಚುತ ತಮವದೂಡುತ

ಧೂಪ ಬೆಳಗಿ ಜ್ಞಾನ ತುಂಬಿದೆ

ರೂಪನಂದನ ಪೂಜೆ ಮಾಡುವ ದಿವ್ಯದಂಗಳದಿ

ಛಾಪು ಮೂಡಿಸಿ ಕಳೆಯು ಚೆಲ್ಲಿದೆ

ದಾಪುಗಾಲಿನ ರಂಗ ಕುಣಿಯುತ

ಕಾಪು ಮಾಡುತ ಮನವ ಗೆಲ್ಲುತ ಶುಭವ ಕೋರುತಿದೆ||

ಸಾಲು ಹಣತೆಯ ಬೆಳಗಿ ಮನೆಯಲಿ

ಹಾಲಿನಂದದಿ ಹೊಳೆದು ಕಾದಿದೆ

ಬಾಲ ಕಲರವ ಮಿಂಚಿ ಮುಳುಗುತ ತೇಲಿ ಮೆರೆಯುತಿದೆ

ಮೇಲು ಕೀಳು ಬೇಧವಳಿಸುತ

ಲಾಲಿ ಹಾಡು ಕೇಳಿ ನಡೆಯುತ

ಮಾಲೆ ಸರವನು ದೈವ ಸನ್ನಿಧಿ ಮುಡಿಸಿ ನಲಿಯುತಿದೆ||

ಜನರ ಕಲ್ಮಶದೂಡಿ ಸಾಗುತ

ಮನದಿ ಬೇಡುತ ದೇವನೊಲಿಸುತ

ಬನದ ಸಿರಿಯದು ಬೆಳೆದು ನಿಂತು ನೆರಳು ನೀಡುತಲಿ

ಧನದ ಮದವನು ಹಣದ ಸಿರಿಯನು

ವಿನಯ ಭಾವದಿ ದೂರ ತಳ್ಳುವ

ದಿನದ ಪೂರ್ತಿಯು ದೇವ ವಂದಿಸಿ ಭಕ್ತಿ ಪೂರ್ವಕವು||

ಮದ್ದು ಗುಂಡಿನ ಕಿಡಿಯು ಹಾರಿಸಿ

ಸದ್ದು ಮಾಡುತ ಬೆಳಕು ಚೆಲ್ಲುತ

ಗುದ್ದು ನೀಡುವ ಮಾತು ಬೆರೆಸುತ ಭವ್ಯದಂಗಳದಿ

ಬದ್ಧವಾಗಿಯೆ ಪೂಜೆ ಮಾಡುತ

ಸಿದ್ಧರಾಗಿಯೆ ಹೊಸತು ಬಟ್ಟೆಯ

ಸುದ್ಧಿ ಮಾಡುತ ಧರಿಸಿ ನಲಿಯುತ ಹಬ್ಬ ದಿನದಂದು||

ಹಬ್ಬ ದಿನದಲಿ ಮುದ್ದು ಮಾಡುತ

ದಿಬ್ಬದಲ್ಲಿನ ದೈವ ನಮಿಸುತ

ಹಬ್ಬಿನಿಂತಿಹ ಬೆಳೆಯ ಸಿರಿಯನು ನೋಡಿ ಸಂತಸದಿ|

ದಬ್ಬಿ ತಮವನು ಚಣದಿ ದೂಕುತ

ಮಬ್ಬು ಕತ್ತಲೆ ಸರಿದು ಬೆಳಕದು

ಕಬ್ಬು ಸಕ್ಕರೆ ಮನದ ನೆಮ್ಮದಿ ಸಿರಿ ಪ್ರಣತಿಯಿದು||

-*ಅಭಿಜ್ಞಾ ಪಿ ಎಮ್ ಗೌಡ*

ರೂಪದರ್ಶಿ: ಕಶ್ವಿ, ಬೋಂದೇಲ್ ಕಂಬ್ಳ, ಮಂಗಳೂರು