ಮಹಾಲಕ್ಷ್ಮಿ ಬಾರಮ್ಮ
ಕವನ
ಭಾಗ್ಯದ ಲಕ್ಷ್ಮಿ ನೀನಮ್ಮ ಬಾರಮ್ಮ ಬಾರಮ್ಮ
ಸೌಭಾಗ್ಯದ ಲಕ್ಷ್ಮಿ ನೀನಮ್ಮ ಬಾರಮ್ಮ ಬಾರಮ್ಮ ||ಪ||
ಮಹಾಲಕ್ಷ್ಮಿಯ ವೃತವನು ಮಾಡಿಹೆ ಮನೆಗೆ ಬಾರಮ್ಮ
ಪೂಜಾ ಮಂದಿರ ಶುಚಿಯ ಮಾಡಿಹೆ ಮನೆಗೆ ಬಾರಮ್ಮ || ೧ ||
ಹೊಸ್ತಿಲ ಮುಂದೆ ರಂಗೋಲಿ ಬಿಡಿಸಿಹೆ ಮನೆಗೆ ಬಾರಮ್ಮ
ವಿಗ್ರಹ ತರುತಲಿ ಅಲಂಕರಿಸಿಹೆನು ಮನೆಗೆ ಬಾರಮ್ಮ || ೨ ||
ಪೂಜೆಯ ಮಾಡುತ ನೈವೇದ್ಯ ಮಾಡಿಹೆ ಮನೆಗೆ ಬಾರಮ್ಮ
ಆರತಿ ಬೆಳಗುತ ಸ್ತೋತ್ರವ ಪಠಿಸಿಹೆ ಮನೆಗೆ ಬಾರಮ್ಮ || ೩ ||
ದೇವರ ದೀಪವು ಚೆಂದದಿ ಬೆಳಗಿದೆ ಮನೆಗೆ ಬಾರಮ್ಮ
ಪ್ರಸಾದ ಪಡೆಯುತ ನಿನ್ನನು ಬೇಡಿಹೆ ಮನೆಗೆ ಬಾರಮ್ಮ || ೪ ||
ನನ್ನಯ ಕೇಳಿಕೆ ನಿನ್ನಲಿ ಸೇರಲು ಮನೆಯಲಿ ನಿಂತ್ಯಮ್ಮ
ಬಂದಿಹ ಕಷ್ಟವ ನೀಗುತ ನಗುತ ಮನೆಯಲಿ ನಿಂತ್ಯಮ್ಮ || ೫ ||
-ಹಾ ಮ ಸತೀಶ ಬೆಂಗಳೂರು
ಚಿತ್ರ್
