*ಮಾಯದರಮನೆ*

ದಿವ್ಯ ನೋಟವು ಮನೆಯ ಒಳಗಡೆ

ಚಿತ್ತ ಮೋಹಕ ಕಣ್ಣಿಗೆ

ನವ್ಯ ನವೀನ ಶೈಲಿ ಸುಂದರ

ರಂಗು ರಂಗಿದೆ ಗೋಡೆಗೆ||

ಬಿಂಕ ಮನಸಿನ ಡೊಂಕು ಬಂಗಲೆ

ಅಣುಕುವಾಡುತ ಮೆರೆದಿದೆ

ಕೊಂಕು ನುಡಿಗಳನಾಡೊ ಜನಗಳ

ಹಿಂಡು ಅದರೊಳು ನೆರೆದಿದೆ||

ಏನು ಅರಿಯದ ಮುಗ್ದ ಮನಗಳ

ತಲೆಯ ಹೊಡೆಯುತ ಬೆಳೆದಿದೆ|

ಪಾಪಿ ಹಣದಲಿ ಮಿಂದು ಚೆಂದದಿ

ಜನುಮ ಧರೆಯಲಿ ತಳೆದಿದೆ||

ಮೋಹ ಮಹಲಿದು ಜೇಡ ಬಲೆಯಿದು

ನಮ್ಮ ಪಾಪದ ಕನ್ನಡಿ

ದ್ರೋಹ ಮತ್ಸರ ನಿತ್ಯ ಬೀರುವ

ಮನುಜ ಭಾವವೆ ಮುನ್ನಡಿ||

ಮೇಲೆ ಇಹುದದು ನಮ್ಮ ಎಲ್ಲರ

ಸ್ವಂತ ಮನೆಯದು ಸ್ವರ್ಗದಿ

ಇಲ್ಲಿ ಇರುವೆವು ನಮ್ಮದಲ್ಲದ

ಮಾಯ ಸದನದಿ ಸ್ವಾರ್ಥದಿ||

-*ಶ್ರೀ ಈರಪ್ಪ ಬಿಜಲಿ*

ಚಿತ್ರಕೃಪೆ: *ವಾಟ್ಸಪ್  ಕೃಪೆ*