ಮುಂಗುರುಳು..

ಮುಂಗುರುಳು..

ಯಾರಿರದ ದಾರಿಯಲಿ
ಗೆಳತಿ ಜೊತೆಯಲ್ಲಿ ನೀನು ಇರಲು..
ಮನವೀಗ ಮಳೆಬಿಲ್ಲ ಮುಗಿಲು..
ಮಾತಿರದ ಮೌನದಲಿ
ಭಾವಗಳ ಅದಲು-ಬದಲು
ಗೆಳತಿ ನೀ ಜೊತೆಗಿರಲು..
ಆ ತಂಗಾಳಿಯೊಡನೆ ಸಂಘರ್ಷ ನೆಡೆಸುತಿರಲು
ಆ ನಿನ್ನ ಮುಂಗುರುಳು..
ಅದ ಪದೇ-ಪದೇ ಸರಿಮಾಡಿಕೊಳ್ಳುತಿರೋ
ಆ ನಿನ್ನ ಕೈ-ಬೆರಳು..
ಅಹಾ..! ಅದ ನೋಡಲೆಷ್ಟು ಅದ್ಭುತ
ಆ ಬಿಂಬ ಹಿಡಿದಿಟ್ಟ ನನ್ನ ಕಂಗಳಿಗೆ
ಒದಗಿರಬಹುದು ಅದೆಷ್ಟು ಹಿತ..
ಬೇಕೆಂತಲೇ ನಾ ಕೈ ತಾಗಿಸಿದಾಗ
ನಸುನಕ್ಕು ನೀ ನನ್ನಡೆ ನೋಡಿದಾಗ
ವಶವಾಗದೇ ಇರಲಾರೆನೇ ನಾನು
ಹೇಳಿಬಿಡಲೇ ಇಲ್ಲಿಯೇ ಎಲ್ಲವನು...

ಆತ್ಮೀಯವಾಗಿ,
ಜಗನ್ನಾಥ. ಆರ್.ಎನ್