ಮುಕ್ತಕಗಳ ಲೋಕ

ತಂದೆ ಜೀವದುಸಿರಿರುವಂಥ ದೇವನು ತಿಳಿಯು 

ಬಂದು ಕಾಲನು ಹಿಡಿಯು ಅವನ ದಿನವಿಂದು |

ತಂದೆಗಿಂತಲು ಬಳಗ ಬೇಕೆ ನಿನಗೆಂದೆಂದು

ತಂದೆ ಒಲುಮೆಯ ಗಳಿಸೊ --- ಛಲವಾದಿಯೆ||

*

ಬರದಿರುವ ಕನಸುಗಳ ಬಗೆಗೆ ಚಿಂತೆಯು ಬೇಕೆ 

ಬರುವಂಥ ಕನಸುಗಳ ಬಳಸಿ ನೀ ಬೆಳೆಯು |

ತರತರದ ಕಷ್ಟಗಳ ಎದುರಿಸುತ ಬೆಳಗುತಲಿ 

ಚಿರಕಾಲ ಬಾಳು ನೀ --- ಛಲವಾದಿಯೆ||

*

ಯೋಗದಿನದೊಳು ನಾವು ಯೋಗಿಯಾಗುತ ಸಾಗೆ

ಯೋಗತನವದು ನಮ್ಮ ತನುವೊಳಗೆ ಸೇರೆ|

ಭೋಗ ಅತಿ ಭೋಗಗಳು ಕಳಚಿ ದೂರದಿ ಬೀಳೆ

ಯಾಗ ಮಾಡಿದ ಫಲವು -- ಛಲವಾದಿಯೆ ||

*

ಕಷ್ಟ ನಷ್ಟ 

ನಿಷ್ಠೂರಗಳು 

ಅವಹೇಳನಗಳು 

ಎದುರಾದಾಗ 

ಮೌನದಿಂದ 

ಸಹಿಸು  !

ಒಂದು ದಿನ 

ಎಲ್ಲವೂ 

ಮಂಜಿನಂತೆ 

ಕರಗಿ ನೀರಾಗುತ್ತವೆ

ಕತ್ತಲು ಕಳೆದು 

ಬೆಳಕಾದಂತೆ

ಬಾಳು 

ಬೆಳಗುತ್ತದೆ !!

-ಹಾ. ಮ ಸತೀಶ ಬೆಂಗಳೂರು

ಚಿತ್ರ ಕೃಪೆ: ಅಂತರ್ಜಾಲ ತಾಣ