ಮುಖವಾಡ ತೊಟ್ಟ ಮನವಿದು...

ಕೇಳು ಮನವೇ ಮುಖವಾಡ ತೊಟ್ಟ ಮನವಿದು

ಯಾರಿಗಾಗಿ ಯಾತಕ್ಕಾಗಿ ಬದುಕಿರುವೆಂಬುದು

ತಿಳಿಯಲಾಗದು ಹಿಂಸಿಸುವವರ ಮದ್ಯದಲ್ಲಿ 

ಅರಿಯದೆ ಸಾಗಿದೆ ಬಾಳು ಅರಿತು ಜೊತೆಯಲ್ಲಿ  //

ಜಗದಲ್ಲಿ ಸಿಗುವುದು ಬಗೆ ಬಗೆಯ ಮುಖವಾಡ

ತಾನು ತನ್ನತ್ವ ಎಂಬುದ ಮರೆಯುವ ಮುಖವಾಡ

ತನ್ನವರ ಖುಷಿಗಾಗಿ ನನ್ನ  ನಗುವಿನ ಮುಖವಾಡ

ನೊಂದ ಮನಕ್ಕೆ ನಾನು ಸಾಂತ್ವನದ ಮುಖವಾಡ //

ಹೂವಿನಂತೆ ಸದಾನಗುತ ಅರಳ ಬೇಕೆಂದಾಗ

ಹೊಸಕಿ ಹಾಕಲು ಕಾಯುವ ಜನರೆ ಇರುವಾಗ

ನಿಸ್ವಾರ್ಥ ಪ್ರೀತಿಗೆ ಮೋಸ ಮಾಡುವರಿರುವಾಗ

ಕಾಣದೆ ಮರೆಯಲ್ಲಿ ಕುಳಿತ ನೀ ಜಾಣನೇ ಸರಿ //

ನೊಂದ ಮನವಿದು ಯಾರನ್ನು ದೂರಲಾರದು

ಎಲ್ಲ ತನ್ನವರೆಂಬ ನಂಬಿಕೆಯೇ ಇರಬಹುದು

ನಂಬಿಕೆಯಲ್ಲಿ ಸೋತರು ಬುದ್ದಿ ಬರಲಾರದು

ಮುಖವಾಡದ ಪ್ರೀತಿಗೆ ಸೋತಿರುವ ಮನವಿದು //

-ಹೇಮಲತಾ, ಜೆ, ಬೆಂಗಳೂರು

ಚಿತ್ರ ಕೃಪೆ: ಇಂಟರ್ನೆಟ್ ತಾಣ