ಮೆರುಗು

ಕೋಗಿಲೆ ಹಾಡಿಗೆ ದನಿಯಾಗುತಿರೆ

ಬಾಗಿದೆ ಮಾಮರವಿಂದು|

ಮೇಘವು ಪಸರಿದೆ ಬೆಳ್ಳನೆ ಮುಗಿಲು

ರಾಗದಿ ತುಂಬಿದೆ ರಂಗು||

ಕತ್ತಲ ದೂಡುತ ಬಾನನು ಬೆಳಗಿದ

ಮೆತ್ತಗೆ ಭಾಸ್ಕರ ಬಂದು|

ಬೆತ್ತಲೆಯಾಯಿತು ಬುವಿ ಶೃಂಗಾರಕೆ

ಮೆತ್ತಿಹ ಮಂಜಿನ ಬಿಂದು||

ಕಾಣುವ ಕಣ್ಣಿಗೆ ಲೋಕವೆ ಬೆರಗು

ಸೋನೆಯ ಮಳೆಯಲಿ ಕರಗಿ|

ಜೇನಿನ ಗಾನಕೆ ಮನದಲಿ ಪುಳಕವು

ಕಾನನ ಕಾಮನ ಶರಧಿ||

ವನಸುಮ ಅರಳಿದೆ ಗಮವನು ಹರಡಿದೆ

ಬನದಲಿ ಚೆಲುವನು ಮೆರೆದು|

ಕನಸದು ಹರಿದಿದೆ ಸೃಷ್ಟಿಯ ಮೋಡಿಗೆ

ಮನಸಿನ ಭಾವವ ಕೊರೆದು||

-ಜನಾರ್ದನ ದುರ್ಗ, ಪುತ್ತೂರು

ಚಿತ್ರ ಕೃಪೆ: ಇಂಟರ್ನೆಟ್ ತಾಣ