ಮೋಹದ ಬಲೆ

ಒಂದು ಕಂಬನಿ ನೂರು ವಿರಹದ

ಕಥೆಯ ಹೇಳಲು ಕೋರಿದೆ

ಬಿಂಧು ಬಿಂಧುವು ನೋವು ಗಂಟನು

ಬಿಚ್ಚಿ ಲೋಕಕೆ ತೋರಿದೆ ||

ದೇಹದಿಂದಲಿ ಒಲವ ಹಕ್ಕಿಯು

ಹಣ್ಣು ಸೇವಿಸಿ ಹೋಗಿದೆ

ದಾಹಯನ್ನುತ ಬಳಿಗೆ ಬರುತಲಿ

ಕೊಳವ ಮಲಿನವ ಮಾಡಿದೆ||

ನಲ್ಲ ಗೋಮುಖ ತೋರಿ ಒಡಲಿಗೆ

ಬೆಂಕಿ ತಗುಲಿಸಿ ನಿಂದನು

ಮೆಲ್ಲ ಮೆಲ್ಲನೆ ತನುವ ಅಂದವ

ದೋಚಿ ರಮಿಸುತ ಸವಿದನು||

ಕೂಸಿನಂತಿಹ ಕೂಸ ಮಡಿಲಲಿ

ಮಗುವ ಇಟ್ಟನು ಭರದಲಿ

ಕಾಸು ತೋರಿಸಿ ಕೂಸು ಅಳಿಯಲು

ಕಾಸು ಕೊಟ್ಟನು ಚಣದಲಿ||

ದ್ರೋಹ ವೆಸಗುತ ದೂರ ಸರಿದನು

ಬಾಲೆ ಸಂಗವ ತೊರೆಯುತ

ಮೋಹ ಪ್ರಾಯವ ಜರಿದು ಅತ್ತಳು

ಕಣ್ಣ ನೀರನು ಸುರಿಸುತ||

-*ಶ್ರೀ ಈರಪ್ಪ ಬಿಜಲಿ*