ಯಾರಾರೇನೇನೊಯ್ದರೊ ತ್ಸುನಾಮಿ ಹೊತ್ತಲಿ..

ಕಂಪನಗಳ ನಾಡು,
ಜಪಾನಿನಲಿ
ಭೂಕಂಪದ ತ್ಸುನಾಮಿ 
ಮುನ್ಸೂಚನೆ;
ರೇಡಿಯೊ ವರದಿ
ಸರಕಾರದ ಆದೇಶ
ಖಾಲಿ ಮಾಡಿ ಹೊರಡಲು -
ತೀರ ಆಗತ್ಯದವನ್ಹೊತ್ತು ಮಾತ್ರ.

ಅವ ಸತಿಗೆ ನುಡಿದ:
ಮೂವತ್ತು ಕ್ಷಣದಲಿ ಹುಡುಕಿ
ಏನತ್ಯಾವಶ್ಯಕವೊ ನೋಡುವ
ಬೇಗ ಹೊರಡು, ಹುಡುಕು;
ಲಗುಬಗೆಯಲಿ 
ಹೊರಟವರು 
ಹುಡುಕೆತ್ತಿ 
ಅತ್ಯಗತ್ಯದ ವಸ್ತು.

ಸುರಕ್ಷಿತ ದೂರ
ತಲುಪಿದಾಗ ಪತಿಗೆ
ಕುತೂಹಲ;
ಕೇಳಿದ - ಏನ್ಹೊತ್ತು ತಂದೆ,
ಅತ್ಯಾವಶ್ಯಕ ವಸ್ತು?
ಚಿನ್ನ, ಬಂಗಾರವೊ, ಚಿತ್ರವೊ
ಮತ್ತಾವುದೊ ಎಂಬ
ಸ್ವಗತ...

ಅವಳು ಮಾತಾಡಲಿಲ್ಲ -
ಪುಟ್ಟ ಕೈ ಚೀಲ 
ತೆರೆದಳು 
ಮುಚ್ಚಿದ ಬಾಯಿ;
ಚೀಲದ ತುಂಬ
ಬರೀ -
ಟಿಶ್ಯೂ ಪೇಪರುಗಳು!!!