ಯುವ ಜನರೆ ಎದ್ದೇಳಿ

ಏಳಿ ಯುವ ಜನರೆ ಎದ್ದೇಳಿ

ರಾಷ್ಟ್ರೀಯ ಯುವ ದಿನ

ಮತ್ತೆ ಬಂದಿದೆ ಎದ್ದೇಳಿ

ಜಾತಿ ಧರ್ಮಗಳ ಮೀರಿ

ಬೆಳೆಯುತ್ತ...

ರಾಷ್ಟ್ರ ಕಟ್ಟೋಣ ಎದ್ದೇಳಿ|೧|

ಒಂದೊಂದು ಎದೆಯಲ್ಲು

ನೂರಾನೆ ಶಕ್ತಿ ಇದೆ

ಅರಿತು ಮುಂದಡಿಯಿಡಲು

ಎದ್ದೇಳಿ

ಬಾಹ್ಯ ಕರಗಳಲಿ ಕರಗಿ 

ಹೋಗುವ ಮುನ್ನ

ಭವ್ಯ ಭಾರತಕಾಗಿ ಎದ್ದೇಳಿ|೨|

ಎದೆಗಿಳಿಸಿ ಶಿಕ್ಷಣವ

ಅಕ್ಷರದ ಜೊತೆಯಲ್ಲಿ

ಪ್ರಜ್ಞಾವಂತರಾಗಲು 

ಎದ್ದೇಳಿ

ಉದ್ಯೋಗವೆಂದೆನಿಸಿ

ಧನ ಕನಕಗಳ ಅಡಿ ಬಿದ್ದು

ಜಜ್ಜಿ ಹೋಗುವ ಮುನ್ನ ಎದ್ದೇಳಿ|೩|

ದ್ವೇಷ ರೋಷಗಳ

ಪ್ರೀತಿ ಸ್ನೇಹಗಳಾಗಿ

ಬಾಂಧವ್ಯ ಕಟ್ಟೋಣ

ಎದ್ದೇಳಿ

ದುಷ್ಟ ಶಕ್ತಿಗಳ 

ಮುಕ್ತಿ ತೋರಿಸಲು

ಶಕ್ತಿಗೂಡೋಣ

ಎದ್ದೇಳಿ |೪|

ಏಳಿ ಯುವ ಜನರೆ ಏಳಿ

ವಿವೇಕ ಜಯಂತಿಗೆ ಮತ್ತೆ 

ಅರ್ಥ ಕಟ್ಟೋಣ

ಎದ್ದೇಳಿ

ಮುದುಡಿ ಹೋಗುವ ಕನಸ

ಮತ್ತೆ ಎತ್ತರಿಸೋಣ

ಸದೃಢ ಭಾರತಕಾಗಿ

ಎದ್ದೇಳಿ|೫|

-ಜನಾರ್ದನ ದುರ್ಗ, ಪುತ್ತೂರು

ಚಿತ್ರ ಕೃಪೆ: ಇಂಟರ್ನೆಟ್ ತಾಣ