ರಾಷ್ಟ್ರಕವಿ ಕುವೆಂಪು ನೆನಪು

ದೇವರು ರುಜು ಮಾಡಿದನಜ್ಜ  ‘ನೀ’ ವಿಶ್ವಕವಿಯೆಂದು

ಕಂಡರು ಬೇಂದ್ರೆ ನುಡಿದರಜ್ಜ ‘ನೀ’ ಯುಗದ ಕವಿಯೆಂದು ॥ಪ॥

ಕುವೆಂಪು ಅಜ್ಜ, ನಾಡಿನ ರಸಋಷಿ ‘ನೀ’ ಅಜ್ಜ

ನಿನ್ನ ವೈಚಾರಿಕ ನಿಲುವು, ‘ನಂದಾದೀಪ’ ಅಜ್ಜ । ಕುವೆಂಪು ಅಜ್ಜ ।

ನಿನ್ನ ಪ್ರಕೃತಿ ‘ಉಪಾಸನೆ’ ಪರಾಕಾಷ್ಟತೆಯ ಆರಾಧನೆ ಅಜ್ಜ

ನಿನ್ನ ವಿಶ್ವಮಾನವ ಸಂದೇಶ ಮಾನವರಾಗಿ ತಿಳಿಯಲೇ ಬೇಕು ಅಜ್ಜ ॥೧॥

ನೀ ಕೊಟ್ಟ ನಾಡಗೀತೆ ಕನ್ನಡಮ್ಮನ ಮುತ್ತಿನಹಾರ ಅಜ್ಜ

ನಿನ್ನೀ ಮುತ್ತಿನಹಾರ ಮೂಲೋಕದಲ್ಲೂ ಸಿಗದದ್ದು ಅಜ್ಜ । ಕುವೆಂಪು ಅಜ್ಜ ।

ನಾಡತಾಯಿಯ, ಪುರುಷಮಣಿ ನೀ ಅಜ್ಜ,

ನಿನ್ನೀ ಸ್ವರುಶ ಕರುನಾಡು ಸುವರ್ಣ ನಾಡಾಯಿತು ಅಜ್ಜ ॥೨॥

ನಿನ್ನ ಜ್ಞಾನಾಳದಲ್ಲಿ ಮುತ್ತುರತ್ನ ಹುದುಗಿಹವು ಅಜ್ಜ

ನನ್ನ ಅಜ್ಞಾನದ ನಿಲುವಲ್ಲಿ ಸಿಗುವುದು ಹೇಗೆ? ಅಜ್ಜ । ಕುವೆಂಪು ಅಜ್ಜ।

ನಿನ್ನ ದಿವ್ಯಚಕ್ಷುವಲಿ ವಿಶ್ವರೂಪ ‘ನೀ’ ಕಂಡೆ ಅಜ್ಜ

ನನ್ನ ಅಂಧತ್ವದಲ್ಲಿ ‘ನೀ’ ಕಂಡ ವಿಶ್ವರೂಪ ‘ನಾ’ ಕಾಣುವುದು ಹೇಗೆ? ಅಜ್ಜಾ ! ॥೩॥

-ಜಂಬರಗಟ್ಟಿ ಟಿ.ಮಂಜಪ್ಪ

ಚಿತ್ರ ಕೃಪೆ: ಇಂಟರ್ನೆಟ್ ತಾಣ