ರುಚಿಕರ ಪಡುವಲ

ಕಡ್ಡಿಯಂಥ ಬಳ್ಳಿಯಲ್ಲಿ

ಅಗಲದೆಲೆಯು  ಹಲವಿದೆ

ನಡುವಿನಲ್ಲಿ ಖಾದ್ಯಕಾಗಿ

ಕಾಯಿಯೊಂದು ಬಿಟ್ಟಿದೆ

ಬಳ್ಳಿಯಲ್ಲಿ ಹಾವಿನಂತೆ

ಭೂಮಿ ತನಕ ಇಳಿಯದೆ

ಸುತ್ತ ಸುತ್ತ ಸುತ್ತಿಕೊಂಡು

ಸುರುಳಿಯಾಗಿ ನಿಂತಿದೆ

ಅಟ್ಟಿ ಇರಿಸಿದಂತೆ ಹೇಗೆ

ಬೆಳೆದು ಬಂತು ಗಿಡದಲಿ

ಇದನು ನೋಡಿ ಮನದಿ ಬಂತು

ರುಚಿಯ ತಿನಿಸು ಚಕ್ಕುಲಿ

ಹಲವು ಸತ್ವ ಒಳಗೆ ಅವಿತ

ದಿವ್ಯ ಕಾಯಿ ಪಡುವಲ

ಒಂದು ಬಾರಿ ತಿಂದರದನು

ಮರೆಯದಂಥ ರುಚಿಕರ||

-ಪೆರ್ಮುಖ ಸುಬ್ರಹ್ಮಣ್ಯ ಭಟ್

(ಚಿತ್ರ ಶ್ರೀಯುತ ಮುರಳಿಯವರ ವಾಲ್ನಿಂದ)