ಲಕ್ಷ್ಮೀ ದೇವಿ ನಮೋಸ್ತುತೆ
ಕವನ
( ಭಾಮಿನಿ ಷಟ್ಪದಿ)
ಕಮಲವದನೆಯೆ ವಿಷ್ಣುವಲ್ಲಭೆ
ಕಮಲಕೋಮಲ ಚಂಚರೀಕಳೆ
ಕಮಲ ಮಾಲೆಯ ಕೊರಳಿನಲ್ಲಿಯೆ ಧರಿಸಿ ಮೆರೆಯುವಳು||
ಕಮಲ ಕುಸುಮ ಪ್ರಿಯಳೆ ಲಕ್ಷ್ಮೀ
ಕಮಲಿಕಾ ದೇವಿಯದು ಮಾಧವಿ
ಕಮಲವಾಸಿನಿ ಪಾಲಕಡಲಲಿ ಪುಟ್ಟಿ
ಬಂದಿಹಳು||
ಚಾರು ಹಾಸಿನಿ ವನದವಾಸಿನಿ
ತಾರೆಯಂದದಿ ಹೊಳೆವ ಚಂದ್ರಿಕೆ
ಬೀರಿನಗೆಯನು ಕಮಲ ಲೋಚನ ಕಮಲ
ದಳದಲ್ಲಿ|
ತೋರು ಕರುಣೆಯ ಲಕುಮಿ ಮಾತೆಯೆ
ಚಾರು ಚುಬುಕದಿ ಮಂದ ಹಾಸವು
ಸೀರೆ ರೇಷ್ಮೆಯು ಚಿತ್ರಚೊಲ್ಲೆಯು
ಕುಸುಮಚಿತ್ರದಲಿ||
ಕರದಿ ಪುಷ್ಪವ ಪಿಡಿದು ನಿಂತಳು
ಸುರರ ಲೋಕದ ದೇವಿ ಲಕುಮಿಯು
ಧರೆಯ ಮೇಲಣ ಕಮಲ ಕುಸುಮದ ಮೇಲೆ ಕುಳಿತಿಹಳು||
ಹರಿಯ ಮಡದಿಯು ವಿತ್ತನೀಳ್ಪಳು
ಕರುಣೆ ತೋರಲು ಕಷ್ಟದೂರಕೆ
ತೊರೆದು ಹೋಗುತ ವಿತ್ತಸುರಿಮಳೆ ಹರಿದು ಬರುತಿಹುದು||
ನಮಿಪೆ ದೀಪಾವಳಿಯ ಸಮಯದಿ
ತಮವ ದೂರಕೆ ಸರಿದು ಹೋಗಲು
ವಿಮಲ ಪಾದವ ಪೂಜೆ ಮಾಡುತ ಲಕುಮಿ
ದೇವಿಯನು||
ಕಮರಿದಂತಹ ಕನಸು ಚಿಗುರಿತು
ಶಮನವಾಗಿ ಕ್ಲೇಶ ಮನದೊಳು
ಗಮನವಿಡುತ ಧ್ಯಾನ ಮಾಳ್ಪಿಹ ಭಕುತ
ಜನರಿಂಗೆ||
-ಶಂಕರಾನಂದ ಹೆಬ್ಬಾಳ
ಚಿತ್ರ್
