ವಧು ಇವಳು-ಮೃದು ಸ್ವಭಾವದವಳು...

ವಧು ಇವಳು-ನಮ್ಮ ಮನೆಮಗಳು,

ಧಾರೆಯೆರೆದು ನೀಡುವೆನು-ಕಂಬನಿ ಸುರಿಸದ ಹಾಗೆ ಕಣ್ಣಲ್ಲಿ ಕಣ್ಣಿಟ್ಟು ನೋಡಿಕೋ ನಿಮ್ಮನ್ನು ಕೊನೆಯತನಕ ಕಾಪಾಡುವಳು,

ತಾಳಿ ಕಟ್ಟಿರುವ ಪತಿಯೇ ದೇವರೆಂದು ನಂಬಿರುವವಳು,

ಆ ದೇವರ ಗುಡಿಯಲ್ಲಿ ನಂದಾದೀಪದಂತೆ ಬೆಳಗಿ ಬೆಳಕು ನೀಡುವವಳು,

ಬದುಕಿನ ಕೊನೆಯವರೆಗೂ ಜೊತೆಯಾಗಿರುವವಳು.. 

ಮಧುರ ಮಾತಿನ ಸ್ವರ, 

ಬಂದವರಿಗೆ ತೋರುವಳು ಆದರದ ಉಪಚಾರ,

ಆಚಾರ -ವಿಚಾರದಲ್ಲಿ ಅಪ್ಪಟ ಬಂಗಾರ, 

ಸರಳತೆಯ ಸಂಪ್ರದಾಯದ  ಅರಿಶಿಣ-ಕುಂಕುಮ,ಕೈಬಳೆ-ಕಾಲ್ಗೆಜ್ಜೆಯ,

ಮುಡಿಗೆ ಮಲ್ಲಿಗೆಯ,

ಜೊತೆಗೆ ಸೀರೆಯುಡುಗೆಯ ಮೊಗದಲ್ಲಿ ಲಜ್ಜೆಭರಿತ ಶೃಂಗಾರ, 

ಮನೆಯ ಬೆಳಗುವ ಜ್ಯೋತಿ, 

ಹೆಚ್ಚಿಸುವಳು ತನ್ನ ಗಂಡನ ಮನೆಯ ಕೀರ್ತಿ,

ತನ್ನದೇ ಕನಸುಗಳ ಬಿತ್ತಿ,

ಬಂಧು-ಬಾಂಧವರಿಗೆ ತೋರುವಳು ಪ್ರೀತಿ, 

ಉಸಿರು ಇರುವತನಕ ಜೊತೆಯಾಗಿರುವಳು ಕಷ್ಟ-ಸುಖಕ್ಕೆ ಹೆಗಲಿಗೆ -ಹೆಗಲು ಒತ್ತಿ,

ಆದರ್ಶದ ಮಾದರಿಯ ಬದುಕಿಗೆ ನಮ್ಮ ವಧುವಿನ ಕಡೆ ಸಮಾಜ ಕೈ ಮಾಡಿ ತೋರುತೈತಿ,

ನಮ್ಮ ಮನೆಮಗಳು ಹಲವರ ಬದುಕಿಗೆ ತುಂಬುವಳು ಸ್ಪೂರ್ತಿ..

ಶಾಂತಾರಾಮ ಶಿರಸಿ, ಉತ್ತರ ಕನ್ನಡ.

ಚಿತ್ರ ಕೃಪೆ: ಇಂಟರ್ನೆಟ್ ತಾಣ