ವಿದುರ ಹೇಳಿದ್ದು..

ಸುಲಭದಿ ಸಿಗುವರೆಲ್ಲೆಡೆ ಪ್ರಿಯನುಡಿವ ಜನ

ರಾಜನ ಕಂಡೊಡನೆ ಮಾಡುವರು ಭಜನ I

ಅಪ್ರೀಯ ದಿಟ ನುಡಿವವರು ಸಿಗರು

ನುಡಿದರೂ ಆಲಿಪರು ವಿರಳವಾಗಿಹರು II

ಸಂಸ್ಕೃತ ಮೂಲ

ಸುಲಭಾ: ಪುರುಷಾ: ರಾಜನ್ ಸತತಂ ಪ್ರಿಯವಾದಿನ:I

ಅಪ್ರೀಯಸ್ಯ ಚ ಪಥ್ಯಸ್ಯ ವಕ್ತ ಶ್ರೋತಾ ಚ ದುರ್ಲಭ: II

ಮೇಲಿನ ಮಾತನ್ನು ಮಹಾಮಂತ್ರಿ ವಿದುರನು ಧರ್ಮರಾಜನಿಗೆ ಹೇಳಿದ್ದು..

------------------------------------------------------------------

ತುಂಬಿದ ಕೊಡ ತುಳುಕಲ್ಲ..

ತುಂಬಿದ ಕೊಡವದು ಇರುವುದು ಸ್ಥಬ್ದ

ಅರ್ಧವಾದುದೇ ಮಾಡುವುದು ಶಬ್ದ I

ಶಾಂತವಿಹರು ವಿದ್ವಾನರು ಅರಿತು ಸರ್ವ

ಮೂಢರಂತೆ ಮಾತನಾಡಿ ತೋರರು ಗರ್ವ II

ಸಂಸ್ಕೃತ ಮೂಲ

ಸಂಪೂರ್ಣ ಕುಂಭೋ ನಕರೋತಿ ಶಬ್ದಂ ಅರ್ಧೋಘಟೋ ಘೋಷ ಮುಪೈತಿ ನೂನಂ I

ವಿದ್ವಾನ್ ಕುಲಿನೋ ನಾ ಕರೋತಿ ಗರ್ವಂ ಗುಣೈರ್ವಿಹೀನಾ ಬಹು ಜಲ್ಪಯಂತಿ II

**ಈ ರೀತಿ ಅನುವಾದಿಸುವ ಮೊದಲ ಪ್ರಯತ್ನ