ವಿಶ್ವ ಮಾನವನಾಗು...

ನೀನೊಬ್ಬ ಮಿಡಿವ ಹೃದಯದ ಮಾನವನಾಗು

ವಿಶ್ವ ಜೀವಿಗಳಿಗೇ ತುಡಿವ ಅಂತರಾತ್ಮವಾಗು!

ತಂದೆ ತಾಯಿಗಳಿಗೆ ಸುವಿಧೇಯ ಮಗನಾಗು

ಗುರುವಾಜ್ಞೆಯ ಪಾಲಿಪ ಪರಮ ಶಿಷ್ಯನಾಗು

ಸ್ನೇಹಿತರ ಪಾಲಿನ ನಂಬಿಕೆಯ ಮಿತ್ರನಾಗು

ಮಡದಿ ಕಷ್ಟ-ಸುಖಗಳಿಗೆ ಪ್ರಿಯ ಸಖನಾಗು!

ಮಕ್ಕಳಾಭಿವೃದ್ಧಿಗೆ ಶ್ರಮಿಸುವ ಪ್ರೀತಿ ಪಿತನಾಗು

ಬೇಡಿದವರಿಗೆ ನೀಡುವ ಪರಮ ದಾನಿಯಾಗು

ನೊಂದವರ ಕಣ್ಣೀರೊರೆಸುವ ಕರವಸ್ತ್ರವಾಗು

ಸಮಾಜಕಾಗಿ ಮಿಡಿವ ಕರ್ಮಯೋಗಿಯಾಗು!

ನಿನ್ನ ಕಾಯಕಕೆ ಪರಮ ನಿಷ್ಠೆಯ ಸೇವಕನಾಗು

ದೇಶಕೆ ನೀಡುವ ಸರ್ವಸಂಗ ಪರಿತ್ಯಾಗಿಯಾಗು

ಸ್ವಾಮಿ ವಿವೇಕಾನಂದರೊಲು ಶ್ರೇಷ್ಠ ಗುರುವಾಗು

ಈ ವಿಶ್ವಕೇ ನೀನು ಆದರ್ಶ ವಿಶ್ವ ಮಾನವನಾಗು!

-ಕೆ ನಟರಾಜ್, ಬೆಂಗಳೂರು

ಚಿತ್ರ ಕೃಪೆ: ಇಂಟರ್ನೆಟ್ ತಾಣ