ಶಿಶುಗೀತೆ - *ಪಾನಿಪುರಿ ಉರಿ*

ಪಾನಿಪೂರಿ ಬೇಕು ಎಂದು

ರಚ್ಚೆ ಹಿಡಿದ ಶಾಮನು

ಪಾನಿಪೂರಿ ತಿನ್ನುವಾಸೆ

ತಂದೆ ಮುಂದೆ ಉಲಿದನು||

ಮಗನ ಹಠಕೆ ಕಟ್ಟುಬಿದ್ದು

ಕರೆದು ಕೊಂಡು ಹೋದರು

ಗಗನ,ಜಾನಿ,ನಿಮ್ಮಿ ,ಪಮ್ಮಿ

ಜೊತೆಗೆ ಶಾಮ ಕರೆದನು||

ಬಯ್ಯಾ ಐದು ಪ್ಲೇಟು ಪಾನಿ

ಪೂರಿ ಕೊಡಿರಿ ಎಂದನು

ಅಪ್ಪ ಎಲ್ಲಾ ಹುಡುಗರಿಗೂ

ಪಾನಿಪೂರಿ ತಂದನು||

ಪಾನಿಪೂರಿ ಮೇಲೆ ಇತ್ತು

ಡಾಣಿ ಮೊಸರು ಬಟಾಣಿ

ಅದರ ಜೊತೆಗೆ ಉಳ್ಳಾಗಡ್ಡಿ

ಮೆಣಸಿಕಾಯಿ ಚಟ್ಟಣಿ||

ಪಾನಿ ಕುಡಿಯೆ ನೆತ್ತಿ ಗತ್ತಿ ಶಾಮ ಅತ್ತೆ ಬಿಟ್ಟನು

ಅಪ್ಪ ಒಡನೆ ನೆತ್ತಿ ಮೇಲೆ

ಬಡಿದೆ ಬಿಟ್ಟ ತಟ್ಟನೆ||

ಲೋಟದಲ್ಲಿ ಸ್ವೀಟು ಹಾಕಿ

ಕುಡಿಸೆ ಬಿಟ್ಟ  ಅಪ್ಪನು

ಗಂಟಲುರಿಯು ಕಡಿಮೆ ಆಗಿ

ಶಾಮ ನಕ್ಕ ಗಪ್ಪನೆ||

-*ಶ್ರೀ ಈರಪ್ಪ ಬಿಜಲಿ*

*ಪೋಟೊ: ಗೂಗಲ್ ಕೃಪೆ*