ಶಿಶುಗೀತೆ- ಮುಗ್ಧ ಭಾವ

ಮುತ್ತಿಡಲೆ ನಾನೊಮ್ಮೆ ಮುಕ್ಕಣ್ಣ ನಿನಗೆ

ಮತ್ತೇನು ಬೇಕಿಲ್ಲ ಬಯಕೆಯದು ನನಗೆ

ಮಕ್ಕಳನು ನೀ ಹರಸಿ ಮತಿ ಕೊಡುವೆಯಂತೆ

ನಾನೊಬ್ಬ ಎಳೆಬಾಲ ನಾ ಬಂದು ನಿಂತೆ

ಮಗ್ಧತೆಯ ಶಿಶುವೆಂದು ನನ್ನಾಸೆ ಅರಿತು

ಈ ದಿವ್ಯ ಕರದಲ್ಲಿ ಕಂದನನು ಎತ್ತು

ತಪ್ಪಾಯ್ತೆ ನನ್ನಿಂದ ನನ್ನಾಸೆಯಿಂದ

ಮನ್ನಿಪುದು ಪರಶಿವನೆ ನೀ ಕರುಣೆಯಿಂದ

ಗಣಪತಿಯ, ಷಣ್ಮಖನ ಪಿತ ನೀನು ಅರಿತೆ

ಈ ಜಗವ ನಡೆಯಿಸುವ ಹೊಣೆ ನಿನ್ನದಂತೆ

ಬಿಡುವಿನಲಿ ಕರುಣದಲಿ ನೀನಿತ್ತ ಬಂದೆ

ನನ್ನಾಸೆ ತೀರಿಸುತ ಮುದನೀಡು ತಂದೆ||

-ಪೆರ್ಮುಖ ಸುಬ್ರಹ್ಮಣ್ಯ ಭಟ್

(ಚಿತ್ರ ಕೃಪೆ ವಾಟ್ಸಾಪ್)