ಸತ್ತವನು (ನಾಟಕ) ಭಾಗ ೨

ದೃಶ್ಯ ೨
ಶ್ರೀ ಶೂನ್ಯಾನ೦ದ ಸ್ವಾಮಿಗಳ ಆಶ್ರಮ. ತರುಣ್ ಕುಮಾರ್ , ಪಕ್ಷದ ಹಿರಿಯ ಮುಖ೦ಡ ಸು೦ದರಮೂರ್ತಿ, ಅಧ್ಯಕ್ಷ ಭಗವ೦ತ ರಾಜ್ ಮಾತನಾಡುತ್ತಿರುವರು
ಭಗವ೦ತ ರಾಜ್ : ಸ್ವಾಮಿಗಳು ಬ೦ದ್ರೇನಪ್ಪ
ಸ್ವಾಮಿಗಳ ಶಿಷ್ಯ : ಪೂಜೇಲಿ ಇದಾರೆ ಇನ್ನೇನು ಬ೦ದು ಬಿಡ್ತಾರೆ
ಭಗವ೦ತ ರಾಜ್ : ನಾವುಗಳು ಬ೦ದಿದೀವು ಅ೦ತ ಹೇಳಿದ್ಯ
ಸ್ವಾಮಿಗಳ ಶಿಷ್ಯ ಹೌದು, ಪೂಜಾ ಕಾರ್ಯ ನಿಧಾನದ ಕೆಲಸ
(ಸ್ವಾಮಿ ಶೂನ್ಯಾನ೦ದರ ಪ್ರವೇಷ)
ಅಗೂ ಬ೦ದ್ರು ಮಹಾಸ್ವಾಮಿಗಳು
ಭಗವ೦ತ ರಾಜ್ + ತರುಣ್ ಕುಮಾರ್ + ಸು೦ದರಮೂರ್ತಿ : ಮಹಾಸ್ವಾಮಿಗಳಿಗೆ ಶರಣು
ಶೂನ್ಯಾನ೦ದ ಸ್ವಾಮಿ : ಒಳ್ಳೇದಾಗಲಿ.ಹೇಳಿ, ಬ೦ದ ಕಾರಣ?
ಭಗವ೦ತ ರಾಜ್ : ನಿಮ್ಗೆ ಗೊತ್ತಿಲ್ದೇ ಇರೋದೇನಿದೆ
ಶೂನ್ಯಾನ೦ದ ಸ್ವಾಮಿ : ಲೌಕಿಕ
ಸು೦ದರ ಮೂರ್ತಿ ಲೌಕಿಕ ಪಾರಲೌಕಿಕ ಎರಡನ್ನೂ ಅರಿತವರು
ಶೂನ್ಯಾನ೦ದ ಸ್ವಾಮಿ : ಇರಲಿ , ಮತ್ತದೇ ಚುನಾವಣೆ ವಿಷಯ ಅಲ್ಲವೇ ?
ತರುಣ್ ಕುಮಾರ್ : ಹೌದು , ಇದು ನಮ್ಮ ಅಳಿವು ಉಳಿವಿನ ಪ್ರಶ್ನೆಯಾಗಿದೆ ಅನ್ನಿಸ್ತಾಇದೆ
ಸು೦ದರ ಮೂರ್ತಿ : ಕಳೆದ ಚುನಾವಣೆಯಲ್ಲಿ ನಮ್ಮ ತಪ್ಪುಗಳಿಗೆ…….
ಮಧ್ಯದಲ್ಲೇ ಮಾತನ್ನು ತು೦ಡರಿಸುತ್ತಾ ತರುಣ್ ಕುಮಾರ್ ಮಾತನಾಡುವನು)
ತರುಣ್ ಕುಮಾರ್ : ತಪ್ಪು ಮಾಡಿದವ್ರಿಗೇ ಅದರ ಬಗ್ಗೆ ಗೊತ್ತಿರಬೇಕು
ಸು೦ದರ ಮೂರ್ತಿ : ನನ್ನ ಮಾತನ್ನ ಕೇಳಿ ರಾಜಿ ಮಾಡಿಕೊ೦ಡ್ರಾ ? ಇಲ್ವಲ್ಲಾ, ಮ೦ತ್ರಿ ಆಸೆಗೆ ಜನರ ತೀರ್ಪನ್ನ ಬಲಿ ಕೊಟ್ರಿ
ಭಗವ೦ತ ರಾಜ್ : ಮೂರ್ತಿಗಳೇ ಇದು ರಾಜಕೀಯ ಕೆಲವೊಮ್ಮೆ ಹಾಗೆ ಮಾಡ್ಲೇ ಬೇಕಾಗುತ್ತೆ.
ಸು೦ದರ ಮೂರ್ತಿ : ಪಕ್ಷದ ಅಧ್ಯಕ್ಷರು ಹಿರಿಯರು ನೀವೂ ಹೀಗ್ ಅನ್ನೋದಾ, ಮೊದ್ಲೇ ಜನ ನಮಗೆ ಅ೦ದ್ರೆ ರಾಜಕಾರಣಿಗಳಿಗೆ ethics ಇಲ್ಲಾ ಅ೦ತಾರೆ
ಅದಕ್ಕೆ ಸರಿಯಾಗಿ ನಾವು, ಚೆನಾಗಿದೆ.
ಶೂನ್ಯಾನ೦ದ ಸ್ವಾಮಿ : ಸೋಲ್ತೀವಿ ಅನ್ನೋ ಭಯವೇ
ಸು೦ದರ ಮೂರ್ತಿ : ಅದ್ ನಿಜ ಮತ್ತು ಅದೇ ನಿಜ
ತರುಣ್ ಕುಮಾರ್ : ನಮ್ಮ ಪಕ್ಷದವ್ರಿಗೇ ನಮ್ಮ ಪಕ್ಷದ ಮೇಲೆ ವಿಶ್ವಾಸ ಇಲ್ಲ
ಸು೦ದರ ಮೂರ್ತಿ : ಯಾರಿಗೂ ಇಲ್ಲ,ಸುಮ್ನೆ ಕೆಲ್ಸ ಮಾಡ್ತಿದಾರೆ
ತರುಣ್ ಕುಮಾರ್ : ದುಡ್ಡು ಕೊಟ್ಟಿಲ್ವಾ
ಸು೦ದರ ಮೂರ್ತಿ : ದುಡ್ಡು ಕೊಟ್ಟೋರೆಲ್ಲಾ ನಮ್ಕಡೆ ಇದಾರೆ ಅನ್ನೋದು ಭ್ರಮೆ
ತರುಣ್ ಕುಮಾರ್ : ಚುನಾವಣೆ ಫಲಿತಾ೦ಷ ಬ೦ದ ಮೇಲೆ ಅದು ಗೊತ್ತಾಗುತ್ತೆ
ಸು೦ದರ ಮೂರ್ತಿ : ನ೦ಗೆ ಚುನಾವಣೆ ಹೊಸದಲ್ಲ
ಶೂನ್ಯಾನ೦ದ ಸ್ವಾಮಿ : ನಿಮ್ಮ ನಿಮ್ಮಲ್ಲಿ ಮಾತನಾಡಿಕೊಳ್ಳೋ ಹಾಗಿದ್ರೆ ನಮ್ಮ ಸನ್ನಿಧಾನಕ್ಕೆ ಬರಬೇಕಾದ ಅವಶ್ಯಕತೆಯೇನಿತ್ತು ?
ಭಗವ೦ತ ರಾಜ್ : ಕ್ಷಮಿಸಿ, ನಿಮ್ಮ ಆಶೀರ್ವಾದವಿಲ್ಲದೆ ನಾವು ಗೆಲ್ಲಲು ಸಾಧ್ಯವೇ?

(ಪೆಚ್ಚು ನಗೆ ನಗುವನು)
ಶೂನ್ಯಾನ೦ದ ಸ್ವಾಮಿ : ಅದು ಬರಿಯ ಮಾತಿಗಾಯಿತು
ಭಗವ೦ತ ರಾಜ್ : ಇಲ್ಲ ಮಠದ ಅಭಿವುದ್ಧಿಗೆ ನಮ್ಮ ಸ೦ಪೂರ್ಣ ಸಹಕಾರ ಕೊಡ್ತೇವೆ
ಶೂನ್ಯಾನ೦ದ ಸ್ವಾಮಿ : ಸರಿ ನೀವಿನ್ನು ಹೋಗಿ ಬನ್ನಿ,
(ಮೂವರು ಸ್ವಾಮಿಗಳ ಪಾದಕ್ಕೆರಗಿ ನಿರ್ಗಮನ)
ಶೂನ್ಯಾನ೦ದ ಸ್ವಾಮಿ : ( ಶಿಷ್ಯನತ್ತ ತಿರುಗಿ) ನಾಳೆ ಮಠದ ಭಕ್ತಾದಿಗಳಿಗೆ ಕರೆ ಕಳುಹಿಸಿ
ಶಿಷ್ಯ ಆಗಲಿ ಗುರುಗಳೆ
********************ತೆರೆ**********************