ಸುಕ್ಕುಗಳು ಹೀಗೆಯೆ...

ಸುಕ್ಕುಗಳು ಹೀಗೆಯೆ

ತುಕ್ಕು ಹಿಡಿದಾ ಹಾಗೆ

ಕಬ್ಬಿಣಕ್ಕೂ ಮನಸ್ಸಿಗೂ

ಎಲ್ಲಿಂದೆಲ್ಲಿಯ ಸಂಬಂಧ ?

ಕಬ್ಬಿಣದಿಂದ ಎಷ್ಟೆಲ್ಲ 

ಕೆಲಸಗಳಾಗುತ್ತಿಲ್ಲವೆ ?

ಹಾಗೇ, ಮನಸ್ಸಿಂದಲೂ ಕೂಡ !

ಮನ ಮನಗಳು ಜೊತೆಯಾದಾಗ

ಜೀವಗಳು ಒಂದಾದಲ್ಲಿ ತಪ್ಪಿದೆಯೇ ?

ಕೋಪವಿಲ್ಲದ ತನುವುಗಳು

ಹತ್ತಿರವಿದ್ದಷ್ಟೂ

ಬಾಳು ಸಹಜ ಸುಂದರವಲ್ಲವೆ ?

ಕೈ ಮುಗಿದ ಕೂಡಲೇ 

ದೇವರು ಬರುವನೇ ? 

ನಿರ್ಮಲ ಮನಸಿರಬೇಡವೆ ?

ಪ್ರತಿಯೊಂದು ಹೀಗೆ; 

ಪ್ರತಿಯೊಂದು ಹಾಗೆ !!

ಎದೆ ಎದೆಯೊಳಗಿನ ಪ್ರೀತಿ ಬರಿದೆ ಪ್ರತಿಮೆಯೆ ?

ಹಾಗಾದರೆ ಪ್ರೇಮ ಎಲ್ಲಿದೆ

ಎಂದರೆ  ? ಆದರೆ ,ಹೋದರೆ

ಇದರಲ್ಲೇ ಮುಳುಗಿ ಹೋದರೆ ? 

ಬಾಳು ಸುಕ್ಕುಗಳಲ್ಲೇ ಮುಳುಗಬಹುದು; 

ಬದುಕು ಹೀಗೆಯೇ ಕಳೆದು ಹೋಗಬಹುದು !!

-ಹಾ ಮ ಸತೀಶ

ಚಿತ್ರ ಕೃಪೆ: ಇಂಟರ್ನೆಟ್ ತಾಣ