ಸ್ವಾತಂತ್ರ್ಯೋತ್ಸವ ಗೀತೆ…

ಸ್ವಾತಂತ್ರ್ಯೋತ್ಸವ.. ಸ್ವಾತಂತ್ರ್ಯೋತ್ಸವ..

ನಾಡಿನ ದೇಶದ ಸ್ವಾತಂತ್ರ್ಯೋತ್ಸವ ||

ವರುಷ ವರುಷವೂ| ಹರುಷ ತುಂಬುವ ||ಸ್ವಾತಂತ್ರ್ಯೋತ್ಸವ ||ಪಲ್ಲ||

ಹಿಂದೂ ಕ್ರೈಸ್ತ ಮುಸಲ್ಮಾನ

ಸಿಕ್ಖ ಪಾರಸೀಕ ಜೈನ |

ಜಾತಿ ಮತ ಬೇಧ ಭಾವ

ಮರೆವ ಮನ ಎಲ್ಲ ಜನ ||

ಆಡಿ ನಲಿಯುವ| ಕೂಡಿ ಮೆರೆಯುವ  ||ಸ್ವಾತಂತ್ರ್ಯೋತ್ಸವ||೧||

ಝಾನ್ಸಿ ಓಬವ್ವ ಅಬ್ಬಕ್ಕ ರಾಣಿ

ಕಿತ್ತೂರು ಚೆನ್ನಮ್ಮ |

ಆಜಾದ ಭಗತಸಿಂಗ್ ತಾತ್ಯಾಟೋಪಿ

ಸಂಗೊಳ್ಳಿ ರಾಯಣ್ಣ ||

ಸಿಡಿಗುಂಡ ತೋಪಿಗೆ

ನೇಣುಗಂಬದುರುಳಿಗೆ

ಜೀವಬೆಲೆಯ ತೆತ್ತರು| ಪಾರತಂತ್ರ್ಯ ಕಳೆದರು  ||ಸ್ವಾತಂತ್ರ್ಯೋತ್ಸವ||೨||

ಗಾಂಧಿ-ನೆಹರು ನೇತಾಜಿ

ತಿಲಕ ಗೋಖಲೆ ರಾಜಾಜಿ |

ಲಾಲ ಪಾಲ ಪಟೇಲ

ತ್ಯಾಗ ಶೀಲ ಸತ್ಯ ಬಲ ||

ಗುಣವ ಪೊಗಳುವ | ಹಾಡಿ ಕುಣಿಯುವ ||ಸ್ವಾತಂತ್ರ್ಯೋತ್ಸವ||೩||

ಬಿಡುಗಡೆಯ ಈ ಸುಖ

ಭಾರತಿಯ ಶ್ರೀಮುಖ |

ಸೂರ್ಯ ಚಂದ್ರರಿರುವ ತನಕ

ಸತ್ಯ ಶಾಂತಿ ತಾರಕ ||

ಮುದವ ನೀಡಲಿ | ನಗುವ ತುಂಬಲಿ ||ಸ್ವಾತಂತ್ರ್ಯೋತ್ಸವ||೪||

ರಚನೆ: ಭಾಸ್ಕರ ರೈ ಕುಕ್ಕುವಳ್ಳಿ

ಚಿತ್ರ ಕೃಪೆ: ಇಂಟರ್ನೆಟ್ ತಾಣ